17 Sáýir, 2024 Barlyq aımaqtar
Japonııa ǵalymdary Almatydaǵy jer silkinisin zerttemekshi
Bul týraly Syrtqy ister mınıstrliginiń resmı ókili Aıbek Smadııarov aıtty
Foto: ashyq derekkózden
"Bıyl 16-19 sáýir aralyǵynda Qazaqstan Syrtqy ister mınıstrliginiń janyndaǵy KazAID halyqaralyq damý agenttigi Almaty qalasynda seısmıkalyq qaýipsizdik máseleleri boıynsha japon mamandarynyń qatysýymen arnaıy semınar ótkizedi. Is-sharany Japonııanyń JICA halyqaralyq damý agenttigi, Qurylys salasyndaǵy ǵylymı zertteý jáne jobalaý ınstıtýty, Tótenshe jaǵdaılar jáne tabıǵı apattar qaýpin azaıtý ortalyǵy birlesip uıymdastyrady", - dedi Aıbek Smadııarov SIM-de ótken baspasóz máslıhatynda.
Sondaı-aq japon ǵalymdary Ortalyq Azııanyń jáne Kavkaz elderiniń ókilderimen birlesip, seısmıkalyq qaýipsizdik salasynda tájirıbe almasady.
«Olar seısmıkalyq oqshaýlaý salasyndaǵy ozyq tehnologııalar men standarttar týraly pikir almasyp, seısmıkalyq qurylystaǵy áleýetti yntymaqtastyqty talqylaıdy. Sarapshylar Almaty jáne Noto qalalaryndaǵy sońǵy jer silkinisin zertteıdi. Bul bolashaqta seısmıkalyq táýekeldiń aldyn alý strategııasyn ázirleýge óz septigin tıgizedi», - dedi resmı ókil.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir