Foto: Abaı oblysy ákimdigi
Besqaraǵaı aýdanynda «Kıeli meken» ekologııalyq aksııasy ótti. Oǵan oblys ákimi Nurlan Uranhaev, kópbalaly analar, jastar, eriktiler men aýdan turǵyndary qatysty.
Aksııanyń maqsaty - tarıhı-mádenı eskertkishter men olardyń aýmaǵyn saqtaý jáne qalypty jaǵdaıda ustaý. Bıyl Aqkól meshitine 117 jyl tolady.
1907 jyly salynǵan kóne meshit Omby-Maıqapshaǵaı respýblıkalyq tas jolynan «men mundalap» anyq kórinedi. Meshit birde-bir shege qaǵylmaı, taza aǵashtan salynǵan ǵajaıyp nysan.
Qulshylyq úıi belgili saýdager, qajy Sultan Fazylbekovtiń muryndyq bolýymen salynǵan. Qurylys jumystaryna Ertis boıyndaǵy ár óńirden materıaldar jetkizilip, úzdik bashqurt sáýletshileri tartylǵan.
Keńestik dáýirde meshit jabylyp, bastaýysh mektep, kitaphana, aýyldyq klýb esebinde paıdalanylǵan. Salynǵanyna ǵasyrdan assa da óziniń qalpyn saqtap turǵan meshit oblystyq tarıhı-mádenı eskertkish mártebesine ıe.
Besqaraǵaılyqtar «Taza Qazaqstan» aksııasyna belsene qatysyp jatqanyn aıta ketýimiz kerek. Bıyl aýdanda 230 kóshege abattandyrý júrgiziledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir