Atyraýdan basqa óńirlerge qosymsha 50 reıs qosyldy

⠀

Keshe QR Kólik mınıstri Marat Kárimjanuly Qarabaevqa habarlasyp, Atyraý-Astana, Atyraý-Almaty, Atyraý-Aqtaý jáne de basqa da óńirlerge áýe, temirjol baǵytynda qosymsha vagondar men qosymsha reıster qosý qajettiligin aıttym. Sonymen birge, áýe, temirjol bıletteriniń qunyn qarapaıym halyqqa qoljetimdi, arzan baǵada usyný boıynsha tıisti mekemelerge usynys berip, mınıstrliktiń qatań baqylaýyna alýdy tapsyrdym.

⠀

Qazirgi tańda, Atyraý qalasynan 7 qalaǵa 4 qazaqstandyq avıakompanııa syıymdylyǵy 12 756 oryndyq aptasyna 73 turaqty reısti oryndaıdy.

⠀

Suranysqa sáıkes, 9-11 sáýir aralyǵynda Astana, Almaty, Aqtaý qalalaryna "Eır Astana" (3 reıs) jáne" Fly Arystan" (6 reıs), syıymdylyǵy 1 617 oryndyq 9 qosymsha reıs oryndady.

⠀

Sonymen qatar, 11-20 sáýir aralyǵynda Atyraý qalasynan Astanaǵa (17 reıs), Almatyǵa (20 reıs), Aqtaýǵa (12 reıs), Shymkentke (1 reıs), jalpy syıymdylyǵy 9 099 oryndyq 50 qosymsha reıs qosyldy. Olar tómendegideı baǵyttar boıynsha júzege asyrylady:

⠀

1. "Eır Astana" 11-17 sáýir kezeńinde syıymdylyǵy 1 917 oryndyq Astanaǵa (4), Almatyǵa (7), barlyǵy qosymsha 11 reıs;

⠀

2. "Fly Arystan" 11-17 sáýir kezeńinde Aqtaýǵa (12), Astanaǵa (5), Almatyǵa (5), Shymkentke (1), syıymdylyǵy 3 780 oryndyq qosymsha 21 reıs;

⠀

3. "SCAT" 12-20 sáýir kezeńinde syıymdylyǵy 3 402 oryndyq Astanaǵa (9) jáne Almatyǵa (9), qosymsha 18 reıs.

⠀

Qosymsha reıster bıletteriniń bir baǵyttaǵy quny ekonom-klassta 69 myń teńgege deıin bekitilgen.

⠀

Tótenshe jaǵdaıǵa sáıkes, áýe bıletteriniń qunyn, Almaty baǵytyn 35 myń, Astana baǵytyn 30 myń, Aqtaý baǵytyn 20 myńǵa tómendetý boıynsha avıakompanııalardyń aksıoneri “Samuryq Qazyna” kompanııasynyń basshylyǵyna hat joldandy.