12 Sáýir, 2024 Barlyq aımaqtar
Almatydaǵy Ortalyq saıabaq memleketke qaıtaryldy
26 naýryzda apellıasııalyq satydaǵy sot talaptardy tolyq qanaǵattandyrdy
foto: ashyq derekkózden
Almaty qalasynyń prokýratýrasy qala ortalyǵyndaǵy saıabaqty qaıtardy.
Kópqabatty turǵyn úı salý úshin zańdy tulǵaǵa 2,8 gektar jer telimin zańsyz berý faktisi anyqtaldy.
"Taldaý kórsetkendeı, 2007 jyly jergilikti atqarýshy organ Almaty qalasynyń Bas jospardyń erejelerin jáne egjeı-tegjeıli josparlaý jobasyn elemeı, zańdy tulǵaǵa saıabaq aımaǵy qarastyrylǵan ýchaskege jeke menshik quqyǵyn bergen. Keıinnen bul jer shamamen 2,3 mıllıard teńge ótemaqy tólenip, memleket muqtajy úshin tárkilendi", - delingen habarlamada.
Ýákiletti organ qadaǵalaý aktisin oryndaý úshin Almaty qalasy ákiminiń qaýlysyn jáne odan keıingi azamattyq-quqyqtyq mámilelerdi zańsyz dep taný týraly talap aryz berdi. 26 naýryzda apellıasııalyq satydaǵy sot talaptardy tolyq qanaǵattandyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir