Endi oqýǵa túsý úshin elektrondy qujattar qabyldana beredi

Elimizde jumysqa ornalasý nemese oqý ornyna qabyldaý kezinde qujattardy túpnusqada usyný týraly talap alynyp tastaldy. Sonymen qatar, endi áskerı bıletterdi de elektrondy túrde alýǵa bolady. Bul týraly Qorǵanys mınıstrligi málimdedi.

"Endi jumys berýshi azamattyń áskerı qyzmetke qatynasy týraly málimetterdi egov.kz elektrondy úkimet resýrsyn paıdalana otyryp, avtomatty túrde alady. Zańnama boıynsha zańdy tulǵalar azamattardyń áskerı qyzmetine qatysy týraly derekterdi tirkeýge mindetti. Sondyqtan kadr qyzmetteri buryn áskerı esepke alý qujattaryn (áskerı bıletter, tirkeý týraly kýálik, áskerı qyzmet ótkergenin rastaý týraly anyqtama jáne t.b.) talap etken", – delingen resmı habarlamada. 

Jeke uıymdar "E-Eńbek" aqparattyq júıesi arqyly, al memlekettik mekemeler "E-Qyzmet" resýrsy arqyly qyzmetkerlerdiń esebin júrgizetin bolady.

Eske sal keteıik, áskerı bılet Qarýly kúshter men áskerı quralymdarda eńbek etken adamdarǵa beriledi.