Qazaqstannyń qansha jylǵa jeterlik munaıy bar?

Sarapshylardyń paıymdaýynsha, Qazaqstandaǵy munaıdyń qazirgi qory 4,4 mıllıard tonnany quraıdy. Sondaı-aq Ekonomıkalyq zertteýler ınstıtýty 30 jyl boıy Qazaqstan ekonomıkasynyń ósimi munaı óndirisi men ony saýdalaýy esebinen barynsha qamtamasyz etilgenin atap ótti.

– El shıkizatqa táýeldilikten qalaı qutylýǵa tyryssa da, ol faktor búgingi kúnge deıin saqtalyp keledi.

Al Ulttyq ekonomıka mınıstrliginiń málimetinshe, shıkizatqa táýeldilikten joǵary deńgeıde qaıta bólý salalaryn damytý esebinen qutylýǵa bolady.

Bıyl jalpy quny 4,6 trln teńgeni quraıtyn 400-den astam jobany iske qosý josparlanǵan. Kemi 10 joba ekonomıkanyń basym salalarynda joǵary qaıta bólý klasterlerin qurýǵa baǵyttalǵan, - delingen basylymda.

Sarapshylar memleket segiz túsimdi bólý arqyly munaı óndirisinen salyq alatynyn, onyń 7-i Ulttyq qorǵa, al 1-i ǵana respýblıkalyq bıýdjetke túsetinin atap ótti.

– Kópshilikti osy salyqtar qandaı mólsherlemeler boıynsha tólenedi degen suraq qyzyqtyrýy múmkin. Olardyń arasynda munaı sektory uıymynan jasalǵan kelisimsharttar boıynsha ónimdi bólý boıynsha Qazaqstannyń úlesin kórsetetin aqparat ashyq jarııalanbaıdy. Korporatıvtik tabys salyǵy salyq salynatyn tabystyń 20% quraıdy.

10 jyl ishinde (2013-2022) osy salyq túsimderiniń jalpy somasy 36,9 trln teńgeni qurady. Osy túsimderdiń ortasha jyldyq somasy 3,6 trln teńgeni quraıdy.

Energetıka mınıstrliginiń málimetinshe, qazirgi munaı qory 4,4 mıllıard tonnany quraıdy.

Teńiz jáne Qashaǵan ken oryndarynda óndiristerdi keńeıtý jónindegi jobalardy iske asyrý kezinde jyldyq munaı óndirý 100 mıllıon tonnaǵa jetedi.