12 Sáýir, 2024 Barlyq aımaqtar
Qaırat Satybaldy memleketke taǵy 50 mlrd teńge qaıtarady
Tergeý barysynda Qaırat Satybaldyuly óz kinásin tolyq moıyndap, qylmystyq jolmen alynǵan múlikti ashýǵa yqpal etken.
foto: ashyq derekkózden
Eks-prezıdent Nursultan Nazarbaevtyń nemere inisi Qaırat Satybaldyuly isi boıynsha memleketke taǵy 50 mlrd teńge qaıtarý josparlanyp otyr, dep habarlady Sybaılas jemqorlyqqa qarsy is-qımyl agenttigi.
"11 sáýirde Q.Satybaldyulyna qatysty qylmystyq isti qaraý sheńberinde sot (QR QK 218-baby 3-bóliginiń 3-tarmaǵy) prokýrordyń ótinishi boıynsha zańsyz satyp alynǵan aktıvterdi qaıtarý jónindegi rásimderdi oryndaý qajettiligine baılanysty prosestik kelisim jasasý úshin qosymsha merzim berý týraly sheshim qabyldady", - delingen habarlamada.
Atap aıtqanda, sottalýshynyń jalpy somasy 50 mlrd teńgeden asatyn qosymsha múliktik aktıvterin memleket paıdasyna qaıtarý týraly másele qaralyp jatyr.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir