12 Sáýir, 2024 Barlyq aımaqtar
Qazaqstanda mamyrdaǵy demalysty 4-inen 8-ine aýystyrý josparlandy
Jumys kúnin keıinge qaldyrý týraly tıisti buıryq jobasyn Eńbek mınıstrligi daıyndady.
Kórneki sýret
Mamyrdaǵy mereke kúnderi qazaqstandyqtar qatarynan úsh kún – 7-9 mamyr aralyǵynda demala alady. Senbide, 4 mamyrda, barlyǵy úshin jumys kúni bolady.
QR Eńbek jáne halyqty áleýmettik qorǵaý mınıstrligi «Ashyq NQA» portalynda vedomstvo basshysynyń «2024 jyly demalys kúnin aýystyrý týraly» buıryǵynyń jobasyn daıyndap, ornalastyrǵan.
Qujat demalys kúnin 4 mamyr, senbiden osy jylǵy 8 mamyr, sársenbige aýystyrýdy kózdeıdi. Osylaısha, mamyr merekelerinde qazaqstandyqtar úsh kún qatarynan, ıaǵnı 7,8 jáne 9 mamyrda demalady.
2024 jyly demalys kúnin aýystyrý týraly usynys Eńbek kodeksiniń 85-babynyń 3-tarmaǵyna sáıkes ázirlendi. Mereke kúnderi sondaı-aq demalys kúnderi jumys ýaqytyn utymdy paıdalaný maqsatynda eńbek jónindegi ýákiletti organ demalys kúnderin basqa jumys kúnderine aýystyrýǵa quqyly" delingen vedomstvo saıtyndaǵy habarda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir