Sý tasqyny: Evakýasııalanǵandar sany 100 myńǵa jaqyndady

Elimizdiń 8 óńirinde sý tasqynynyń beti qaıtar emes. Tasqyn saldarynan qaýipsiz jerge kóshirilgen turǵyndar sany 100 myńǵa jaqyndaǵan. Bul týraly TJM Azamattyq qorǵanys jáne áskerı bólimder komıtetiniń aǵa ofıseri Erasyl Saıpash málimdedi. 

"Sý tasqyny bastalǵaly beri Azamattyq qorǵanys qyzmetteri 99 869 adamdy, onyń ishinde 36 591 balany qaýipsiz jerlerge jetkidi. Ýaqytsha ornalasý pýnktterine 6 586 adam, onyń ishinde 3 197 bala ornalasty. 9 mln tekshe metr erigen qar sýy soryp shyǵaryldy, 1,6 mln qapshyq jáne 1,2 mln tonna ınertti materıal tóseldi. Búgingi tańda avarııalyq-qutqarý jumystarynda 34 272 adam, 4 myń tehnıka, 17 áýe kemesi jumyldyryldy" – dedi ol Ortalyq kommýnıkasııalar qyzmetinde ótken brıfıngte.