11 Sáýir, 2024 Barlyq aımaqtar
"Bárine oryn tabamyz": Igor Lepeha otbasynda kúsh kórsetetinderdiń bárin qamaýǵa oryn jetetinin aıtty
Ishki ister mınıstriniń orynbasary Igor Lepehaǵa “Qazaqstanda turmystyq zorlyq-zombylyq týraly zań qabyldanǵannan keıin ustalǵan kúsh kórsetýshiler sany artyp kete me, oǵan mınıstrlik daıyn ba?” degen suraq qoıyldy.
Foto: ashyq derekkózden
Parlament qabyldaǵan zań boıynsha densaýlyqqa jeńil zııan keltirgender qylmystyq jaýapqa tartylady. Sonymen qatar endi zorlyq kórsetken adamdy jábirlenýshi polısııaǵa aryzdanbasa da ustaýǵa bolady.
"Tabamyz. Kóbeıip ketpeıdi. Biz olardy qazir de qamap jatyrmyz. Bir ǵana ereksheligi buryn ákimshilik zańnama aıasynda qamasaq, endi qylmystyq zań aıasynda tergeý ızolıatorynda otyrady. Biz osy sanatty tergeý ızolıatorynda ustaý múmkindigin qarastyrý úshin arnaıy zań turǵysynan erekshelik jasadyq. Bárine oryn tabamyz dep oılaımyz", – dedi Igor Lepeha senatta.
Zań maquldanǵan kezde kútiletin nátıjeler: áıelderdiń quqyqtary men balalardyń qaýipsizdigin qorǵaýdy kúsheıtý, balalardy seksýaldyq zorlyq-zombylyqtan qorǵaýdy kúsheıtý, ózin-ózi óltirý jáne seksýaldyq zorlyq-zombylyq jaǵdaılaryn azaıtý, ómirde qıyn jaǵdaılarǵa tap bolǵan otbasylar úshin jaǵdaıdy jaqsartý, arnaýly áleýmettik kórsetiletin qyzmetterdiń sapasyn jaqsartý, neke jáne otbasy ınstıtýtyn nyǵaıtý.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir