«Qıyn-qystaý, qıly zamanda» dep bastalatyn «Biz birgemiz» áni úshin avtor keshirim surady

Elde tótenshe jaǵdaı bolǵanda halyqty biriktiretin ánniń biri Ibrahım Eskendir oryndaıtyn «Biz birgemiz» bolyp tur. Jelidegi vıdeolarǵa da osy án fon retinde qoıylyp júredi. Biraq sońǵy kezderi eldiń bul ánnen jalyqqanyn baıqap júrmiz. Qazirgi kezde Qulsarydaǵy sý tasqynynan zardap shekken jergilikti halyqqa kómektesip júrgen aıtysker aqyn Syrym Áýezhan osy ánniń sózin jazǵan. Ol ánge baılanysty halyqtan keshirim surady.

«Qıyn-qystaý, qıly zamanda, ne bolmaǵan baıtaq dalamda dep bastalatyn ánniń avtory men edim. Qulsaryǵa kelgeli eń kóp estigenim – osy ándi qurtý kerek degen sóz. Halyqtan keshirim suraımyn. Ekinshiden, ánnen basqa da sebepterdi qarastyryp kórseńizder degen usynys bar. Osy ánniń artynan jaqsy maǵynaly, elge paıdaly, eldiń rýhyn kóteretin án jazsam ba degen nıet bar. Sondaı ánshiler bolsa habarlasyńyzdar», - dedi ol.

Jeli qoldanýshylarynyń buǵan qatysty pikirleri ártúrli.

«Tym jaqsy án. Halyqqa birlikke shaqyryp tur ǵoı. Shynymen de, qazaqtyń basynan ne ótpedi?», «Bul kúlki emes. Ne jazsańda, jaqsy sózimen, jaqsy áýenimen jazshy qaraǵym», «Keremet án! Naǵyz qazaq halqy úshin jazylǵan án!», «Bárine unaıtyn án dep oılaımyn», «Qıyn qystaý qıly zamanda dep bastaǵan boıda, kóz aldyma Beıneýdiń tamaq daıyndap jatqan qazandary elesteıtin boldy», «Osy óleń shyqqan jerde bir problema shyǵyp turady», - degen pikirler bar.