"Qaıyrshylarǵa uqsaıdy": Jas akter tasqynnan zardap shekkenderge aqsha jınaýǵa qarsy shyqty

Akterdiń aıtýynsha, jınalǵan aqsha jeke adamdardyń qaltasyna da ketip qalatyn kórinedi. 

“Habarlama kóp kelip jatyr. Men senderge MSCh-tiń bastyǵy emespin. Senderdiń tólegen salyqtaryńnan jalaqy da alyp otyrǵan joqpyn. О́zimmen ózim júrgen adammyn. Otyr ǵoı adamdary, solar istesin jumys. Olardyń jumysyna aralasa almaımyn. Aqyl aıta almaımyn. Sebebi mamany emespin. Blogerlerdiń basyn qos dep aqyl aıtpaı-aq qoıyńdar. Aqyl aıtatyndar men basyn qosatyndar bılikte otyr. Solarǵa aıtyńdar. Ýaıymdap júrgenim ras. Biraq paraqshama túrli vıdeo júktegennen paıda joq. Elimniń amandyǵyn duǵama qosyp jatyrmyn”, – dep jazdy akter. 

Sonymen qatar óner ıesi halyqtan aqsha jınaıtyndardy da synady. 

“Birdeńe bolsa, aqsha jınaǵandy qoıý kerek. Qaıyrshylar uqsap, bolatynǵa da, bolmaıtynǵa da jınap berýdi toqtataıyqshy. Aqshalaı kómek bergenniń neshe túrlisin kórdik. Jınap bergenmen, jeke adamdardyń qaltalaryna ketip jatady. Kómekke dep jınaǵan aqshańdy jep ketedi. Jaı júrgen adamnyń ózi, osyndaı sátte “jep qalsam, alyp qalsam” degen oımen júredi”, – deıdi óner ıesi.