Dımashtyń aty Mars ǵalamsharyna jetti

Qazaqstandyq ánshi Dımash Qudaıbergenniń esimi Mars ǵalamsharyna jetti, dep habarlady dimashnews saıty.

Saıt málimetinshe, 18 aqpanda jańa Perseverance roveri Mars ǵalamsharyna ǵylymı jabdyqtarmen qatar, mıllıondaǵan adamnyń esimderin alyp bardy. Olardyń arasynda Dımash Qudaıbergenniń de esimi bar.

Sondaı-aq, Perseverance Marsqa koronavırýs ınfeksııasymen kúresken dárigerlerdiń qurmetine eskertkish taqta men NASA-nyń "Marsqa óz esimińdi jiber" aksııasyna qatysqan 11 mıllıonǵa jýyq adamnyń aty jazylǵan tyrnaq kólemindegi úsh kremnıı chıpti jetkizgen.

Buǵan deıin AQSh, Túrkııa, Reseı jáne taǵy basqa elderdegi Dears (Dımashtyń jankúıerleri) taqtaıshaǵa Dımash Qudaıbergenniń esimin qoıýdy usynǵan.

Perseverance roveriniń Marstaǵy ejelgi ómirdiń belgilerin izdeý men planetanyń betin zertteý mıssııasy shamamen eki jylǵa sozylady dep kútilip otyr.