"Darıǵa kelme", "Ermahan qarabet", "Mamaı qumalaq". Saılaý kúngi Almatydaǵy mıtıng

Qazaqstanda parlament májilisi saılaýy ótip jatqanda saılaýǵa boıkot jarııalaǵan azamattyq belsendi Janbolat Mamaı men onyń jaqtastary Almatyda mıtıngke shyqty.

Túski 12-ge taman Nazarbaev dańǵyly boıymen kóterilip, Sátpaev kóshisine túsip Respýblıka alańyndaǵy Táýelsizdik monýmentine qaraı bettemek bolǵan 20 shaqty belsendini jolda arnaıy jasaq bógep, eskertkishke qaraı jibermeı, aınaldyra qorshap aldy.

Olardyń arasynda belsendiler Janbolat Mamaı men Abzal Dostııarov jáne jýrnalıst, "Oyan, Qazaqstan" qozǵalysynyń ókili Ásem Jápısheva bar.

Qorshaýdaǵy belsendiler megafonmen "Saılaýǵa boıkot", "Oıan, qazaq! Kóter basty!", "Nazarbaev ketsin", "Darıǵa kelme", "Nesıelik amnıstııa jasalsyn", "Jer satylmasyn, jalǵa berilmesin" dep urandatyp turdy.

Mıtıngke shyqqandardy qalalyq prokýratýra men Almaty qalasy ákimdiginiń ókilderi taraýǵa shaqyrmaq bolyp edi sherýshiler aıqaılap, olardy sóıletpedi.

Artynsha ǵalym, ekonomıst Rahman Alshanov, Abaı atyndaǵy qazaq ulttyq pedagogıkalyq ýnıversıtetiniń rektory Tahır Balyqbaev pen boksshy, Sıdneı olımpıadasynyń chempıony Ermahan Ibraımov narazy toppen dıalogqa kelmek boldy. Alaıda sherýshiler olardyń da daýsyn estirtpedi. Mıtıngshiler "Alshanov, Ibraımov bıliktiń soıylyn soqqan qarabet" dep urandatty. О́zine aıtylǵan sózderden keıin mıtıngshilerge umtylǵan boksshyny áldekimder ustap qaldy. Sondaı-aq alańda ákimdik qyzmetkerleriniń janynda Qalı Sársenbaı, Esenǵalı Raýshanov, Baqyt Bedelhan sekildi birneshe belgili jýrnalıst, aqyn, jazýshylar júrdi.

Alańda betterin tumshalaǵan bireýler belsendi Janbolat Mamaıdyń ózin "qarabet", "el tynyshtyǵyn buzǵan qumalaq", "táýelsizdik jasasyn" dep aıqaılady. Olar kolonkadan qatty daýyspen ánder qoıylyp, ánuran aıtyp belsendilerdiń daýsyn estirtpeýge tyrysqan áreketter jasady. Belsendiler belgisiz adamdardy "arandatýshylar" dep jaqtastaryn qandaıda bir arandatýshylyq áreketke ermeýge shaqyrdy.

Prokýratýra ókilderiniń taraýdy suraǵanyna qaramastan, belsendiler qatary birtindep kóbeıip jatty. Biraq alańdaǵy polısııa men arnaıy jasaq sany odan da kóp. Birneshe avtozak pen arnaıy avtobýstar ázirlenip qoıylǵan.

Qamshy tilshisi polısııa 10-nan astam adamdy ustap, avtozakqa tıegenin kórdi.

Tústen keıin saǵat 15:20 shamasynda alańǵa bettemek bolǵan "Oyan, Qazaqstan" qozǵalynyń ókilderin de arnaıy jasaq qorshaýǵa aldyp, alańǵa jibermedi.

Mıtıng ótip jatqan Táýelsizdik alańy men sol jerge jaqyn mańda uıaly baılanys nashar, ınternet múldem istemedi.

Qorshaýdaǵy mıtıngshiler birneshe saǵat as-sýsyz, dárethanaǵa shyǵa almaı turdy. Narazy top arasynda "qorshaýdan shyǵa almaǵandyqtan, osy jerde dáret syndyrýǵa týra keldi" degen sózder estildi.