24 Shilde, 2020 Oqıǵalar
Vıdeodan skrınshot
Qaraǵandy oblysy Sátbaev qalasynda 5 jasar qyz balany urlaǵan kúdikti ustaldy. Bul týraly polisia.kz saıty habaralady.
Saıt taratqan aqparatqa qaraǵanda oqıǵa keshe bolǵan.
"23 shilde kúni saǵat 21.00-de Sátbaev qalasynyń polısııasyna Jezqazǵan turǵyny óziniń 5 jasar qyzy joǵalyp ketkeni týraly habarlaǵan. Sátbaev qalalyq polısııa bóliminiń barlyq quramy men volonterler qatysqan izdeý sharalarynyń nátıjesinde 5 jasar bala kópqabatty úıdegi páterlerdiń birinen tabyldy. Búldirshin qazir aýrýhanada jatyr. Kúdikti ustaldy. Biraq bir top adam kúdiktini ózderine berýdi talap etýde. Tártipsizdikke jol bermeý úshin quqyq qorǵaý kúshteri jumyldyryldy. Qaraǵandy oblysynyń polısııa departamenti qoǵamdyq tártipti jáne qala turǵyndarynyń qaýipsizdigin qamtamasyz etý úshin barlyq qajetti sharalardy qabyldap jatyr" delingen resmı habarlamada.
Qala turǵyndary kúdiktini ózderine berýdi surap, shý kótergeni áleýmettik jelide taraǵan vıdeolarda da baıqaldy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir