Saq bolyńyz! Dári iship, aýrý jamap almańyz

Shymkent qalalyq klınıkasyndaǵy bakterıologııalyq laboratorııada merzimi ótken dárilerdiń qoldaný merzimin jańartyp, jańa dári retinde qaıta qoldan jasalatyndyǵy men syrqattardyń dıagnozdary jalǵan qoıylatyndyǵy týraly  Rýstem Ashetaevtyń feızbýk  paraqshasynda jazdy.

Ashatevtyń jarııalaǵan vıdeosynda zańsyz jasalynǵan sátter tolyq kórsetilgen. Odan ózge onyń paraqshasynda 2 laborant  atalǵan bylyqtarǵa kóz jumyp qaraı almaıtyndyǵyn aıtyp, tikeleı efırge shyqty.

Máseleni tolyǵyraq bilý úshin  Qamshy.kz aqparat agenttiginiń tilshisi Shymkent qalasyndaǵy densaýlyq saqtaý basqarmasynyń baspasóz hatshysyna habarlasqanynda bir saǵattan keıin resmı ózimiz habar beremiz dedi. Al bir saǵattan keıin habarlasqanynda áli resmı málimdemeniń joqtyǵyn aıtty. Baspasóz maslıhatynyń ótip ketkenine 2 saǵat bolǵandyǵyn alǵa tartyp, nelikten málimdeme jasaı almaıtyndyǵyn qaıta surap, qońyraý shaldy. Bizge oqıǵanyń shyǵý sebep saldary men tikeleı efırge shyqqan qyzmetkerlerińizdiń aty-jónin tolyq atasańyz degenine baspasóz hatshysy qysqasha jaýap qatty.  

"Bul jaǵdaı boıynsha tekserý jumystary bastaldy. Qosymsha quzyrly organ ókilderi tarapynanda tekserý jumystary júrgizýde. Ázirge istiń aq qarasy belgisiz. Tekserý jumystarynan keıin mindetti túrde qosymsha habar beremiz. Keshirińiz, ázirge belgisiz málimet bolǵandyqtan zań boıynsha qyzmetkerlerdiń aty-jónin ataı almaımyn. Tekserý jumystary nátıjesi boıynsha sheshim qabyldanady. Kináliler jaýapqa tartylady" – dedi.

 R.Ashatevtyń  feızbýk  paraqshasyndaǵy jazbaǵa zer salsaq.

Bul soraqylyq  Shymkent qalalyq klınıkalyq balalar aýrýhanasynyń basshylyǵyna, oblystyq densaýlyq saqtaý men elimizdiń medısına salasyna úlken syn bolyp tur.

ShQKBA-nyń bakterologııalyq laboratorııasyndaǵy jan-jaqtan kelgen analızderdiń zerttelmeı, oıdan jazylǵan qortyndylarynyń kesirinen qanshama jandar zardap shegetinin aıtýdyń ózi artyq shyǵar.

Dárigerlerdiń sizge durys dıagnoz qoıýy úshin aldarynda durys analızder bolýy kerek. Egerde qoldaryndaǵy sengen analızderi múldem ótirik bolsa she?

Sizdiń aýrýyńyzdy anyqtap emdeý úshin sizderdiń organızimderińizden tabylǵan bakterııalarmen vırýstarǵa, naqty qandaı antıbıotık áser etetini anyqtap alý kerek bolady. Dárigerler dıagnozdy qoıarda osyndaı laboratorııalaldyń qortyndylaryna qarap naznachenııa beredi.

Egerde laboratorııada ótirik qortyndy berilse nemese ol qortyndylaryn srogy ótken dárilermen anyqtalsa, onda dárigerdiń naznachenııasy sizdi emdeýdiń ornyna, sizge qaýipti bolýy, dárilerdiń sizge múldem áseri bolmaı, aýrýhanaǵa qalaı barsańyz solaı eshqandaı emsiz qaıtyp shyǵýyńyz múmkin.

Sizdiń dárilerge jumsaǵan qarjyńyz aýaǵa shashqanyńyzben teń. Organızimińiz qanshama antıbıotıkterdi bosqa qabyldap, ózińiz aýyryp júrgende odan ary ýlanasyz.

Osyǵan kimdi kinálaısyzdar?

Árıne doktordy.

Al  "kóleńkede" otyryp, osyndaı bylyqtyń bárine sebepshi bolyp otyrǵandarmen eshkimniń jumysy joq. О́ıtkeni, olardyń "jabyq esikteriniń" arǵy jaǵynda ne bolyp jatqanyn eshkim bilmeıdi. Ony tek sol jerdiń jumysshylary ǵana biledi.

Qalamyzdyń qanshama polıklınıkalarynyń analızderi osynda keletinin, osy jerden "zerttelgen" qortyndylarymen sol polıklınıkalarda adamdar emdeletininde oılasań shashyń tikireıedi.

Osyndaı bylyqtarǵa tózbeı, erlikke laıyq is jasap, barlyq zańsyzdyqtardyń betin ashqan eki qyzymyzǵa qoldaý kórseteıik aǵaıyndar! Bulardy jan-jaqtan talaýy múmkin endi.

Resmı málimdeme berilmese de, Rústemniń paraqshasynda ár bolǵan sátten tikeleı efır júrgizilip otty. Baspasóz maslıhatynan shyqqan 2 laboranttyń BAQ ókilderine bergen sátinen vıdeolarda júkteldi.  

Vıdeonyń birinde laborant qyz "Osy bir jyldyń ishinde bolyp jatqan oqıǵalardan ózim habardarmyn.  Aq adamdy qara dep ózderi sútten aq sýdan taza bolmaqshy.

Bul mekemede 2 dáriger 4 laborant, 3 sanıtarka qyzmet etedi. Alǵashynda men jalǵan dári jasalatynyn bilmedim.  Qalaı bildim, sol sátten bastap qarsylyǵymdy bildirip,  olaı jasaı almaıtyndyǵymdy aıttym.

Maǵan basshylyq tarapynan qysym jasalýda. «Men qatelesip túsirdim dep, otkaz jasa", – dedi.  Al men otkaz jasamaıtynymdy ashyq aıttym.  

Kesheden beri tekserý bastaldy. Qarabekov  jáne t.b kisiler  men komıssııa  músheleri laboratorııaǵa keldi. Olardyń ishinde zańgerde boldy.  Dáriniń jalǵan qalaı jasalatynyn  kózderimen kórip,shok bolyp, qoldarymen ustady. Serııa nómiri tirkelmegeninde bildi. Biraq, olar basqalaı sóılep otyr.

Búgin Shymkent qalasyndaǵy densaýlyq saqtaý basqarmasynyń basshysy Ashan Marhabaıuly Baıdývalıev meni arnaıy shaqyryp, sizde osy is túrǵysynda  jaýakershilikke tartylasyz dedi. Áriptesterimniń bári bir jaq bolyp, meni kináli etip otyr».

Ár júktelgen vıdeolardan  istiń bylyǵy men shylyǵy kóptigine kóz jetkizesiz. Búgin bastalǵan qylmysqa da uqsamaıdy. Eki laboranttyń ár sózinde bizge jumys emes, halyq aqıqatty bilý kerek. Klınıkaǵa keletin ár jan saqtansa degen jan aıhaıyn túsinesiz.