30 Qyrkúıek, 2019 NEWS
Qazaqstanda kókónis, et, balyq, jumyrtqa jáne basqa da azyq-túlik qymbattady dep habarlaıdy Qamshy.kz aqparat agenttigi Energyprom.kz saıtyna silteme jasap.
Bıyl jańa pisken kókónis maýsymy salystyrmaly túrde erte aıaqtalǵan deıdi sarapshylar.
Qyrkúıekte oramjapyraq pen qııar baǵasy tamyzben salystyrǵanda 15 paıyzǵa qymbattaǵan. Sarymsaq 7,3 paıyzǵa, úrmeburshaq - 1,7 paıyzǵa ósken. Sondaı-aq, keıbir kókónis baǵasy sál arzandaǵan - pııaz (bir aıda 25,2 paıyzǵa), sábiz (22,8 paıyzǵa) qyzylsha (9 paıyzǵa), kartop (8,2 paıyz). Al qyzanaq baǵasy 1,4 paıyzǵa tómendedi. Soǵan qaraǵanda, endi olardyń da baǵasy ósetin bolady. Jemister arasynda apelsın - 4,3 paıyzǵa qymbattaǵan. Al banan baǵasy, kerisinshe, bir aıda 2,8 paıyzǵa tómendedi.
Jumyrtqa - 6,1 paıyzǵa qymbattady. Muzǵa qatyrylǵan balyq 2,3 paıyzǵa, sıyr eti - 2,1 paıyzǵa, jylqy eti - 2 paıyzǵa qymbattady.
Tary baǵasy 3,1 paıyzǵa, al kúrish 2,2 paıyzǵa ósti.
Sýsyndar men bakaleıalyq taýarlar baǵasy ózgerissiz qaldy. Qant, mysaly 4,6 paıyzǵa arzandaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir