Semınar aıasynda bankrottyq jáne azamattardyń tólem qabilettiligin qalpyna keltirý rásimderimen baılanysty praktıkalyq jaǵdaılar egjeı-tegjeıli qarastyryldy, sondaı-aq kásipkerlerdiń jalpyǵa birdeı deklarasııalaýdyń III kezeńine qatysty ózekti máseleleri talqylandy.
Semınar sheńberinde Komıtettiń jeke tulǵalardyń kiristerin ákimshilendirý basqarmasynyń basshysy D. K. Qusaıynova, jeke tulǵalardyń kiristerin ákimshilendirý basqarmasy basshysynyń orynbasary A. O. Mustafına deklarasııalardy qabyldaý prosesine tartylǵan mamandardy daıarlaý men jalpyǵa birdeı deklarasııalaýdyń III-kezeńiniń máselelerin jarııa etti, sondaı-aq sońǵy jyldary, aǵymdaǵy sátte jalpyǵa birdeı deklarasııalaý boıynsha aqparat jáne boljamdar usyndy.
Sondaı – aq semınarda komıtettiń Dármensiz boryshkerlermen jumys jónindegi basqarmasynyń basshysy M.K. Sısembaeva, Komıtettiń Dármensiz boryshkerlermen jumys jónindegi basqarma basshysynyń orynbasary A. B. Rahmetova sóz sóılep, "Qazaqstan Respýblıkasy azamattarynyń tólem qabilettiligin qalpyna keltirý jáne bankrottyq týraly" zańnyń negizgi tustaryn túsindirip, rásimder boıynsha statıstıkany usyndy.
Is-sharaǵa sýdıalardy qosa alǵanda, túrli oblystardyń ókilderi, bilim basqarmasy, "Atameken" UKP, HQKO KEAQ, sondaı-aq "qaryzymyz qoǵam"jobasynyń konsýltanttary qatysty. Is-shara zańda kózdelgen rásimderge tikeleı baılanysty jáne qatysýshy bolyp tabylatyn sýdıalar, qarjy basqarýshylary jáne bank ókilderi, jalpyǵa birdeı deklarasııalaý prosesine qatysýshylardyń ókilderi sııaqty quqyqtyq sektor mamandary úshin de erekshe ózektilikke ıe boldy.
Pikir qaldyrý
pikir