Ulttyq teatrlar Qostanaıda ótetin festıvalǵa jınalady

Ústimizdegi jyldyń 20-23 tamyz aralyǵynda Qazaqstannyń ulttyq (etnıkalyq) teatrlarynyń V respýblıkalyq festıvali ótedi. Qazylar alqasy retinde E.Jýasbek, M.Tokarev, A.Erkebaı, S.Qamıev sııaqty tanymal teatr synshylary men ártisteri, sondaı-aq QR Parlamenti Májilisiniń depýtaty N.Jumadildaeva óz taraptarynan festıvalǵa qatysýǵa daıyndyqtaryn bildirdi, – dep habarlady Qamshy.kz aqparat agenttigi.

Festıval baǵdarlamasy tórt kúnge ázirlengen. Festıvaldiń saltanatty ashylý rásimi 20 tamyzda saǵat 10:00-de I. Omarov atyndaǵy Qostanaı oblystyq qazaq drama teatrynda ótedi.

Odan keıin memlekettik Respýblıkalyq akademııalyq koreı mýzykalyq komedııa teatrynyń trýppasy ("Mahabbat týraly Poema" spektakl-eposy) jáne Qostanaı oblystyq orys drama teatrynyń trýppasy ("Aq kelinniń mahabbaty men ólimi" tragedııasy) úzdik qoıylymdaryn usynady.

Ekinshi kúni, 21 tamyzda, kórermen aldynda Shymkent qalalyq О́zbek drama teatrynyń ("Qasqyr ulyǵan tún" dramasy) jáne I. Omarov atyndaǵy Qostanaı oblystyq qazaq drama teatrynyń ártisteri ("Aq bas búrkit" dramasy) óner kórsetedi.

Al úshinshi kúni, 22 tamyzda, teatr sahnasynda memlekettik K. Qojamıarov atyndaǵy Memlekettik respýblıkalyq akademııalyq uıǵyr mýzykalyq komedııa teatrynyń ujymy óner kórsetedi ("Apat" mýzykalyq plastıkalyq spektakli).

Festıvaldiń saltanatty jabylýy men jeńimpazdardy on nomınasııa boıynsha marapattaý Qazaqstan halqy Assambleıasy Tóraǵasynyń orynbasary J.Q. Túımebaevtyń, QR Mádenıet jáne sport mınıstri A.R. Raıymqulovanyń, Qostanaı oblysynyń ákimi A.B. Muhambetovtyń qatysýymen 23 tamyzda saǵat 10:00-de Jastar saraıynda ótkiziledi.

Sonymen qatar, negizgi baǵdarlamadan tys festıval qatysýshylary úshin Qostanaı qalasynyń kórikti jerlerin kórsetýge arnalǵan mádenı baǵdarlama qarastyrylǵan.

Festıval Qazaqstan Respýblıkasynyń Mádenıet jáne sport mınıstrligi Qazaqstan halqy Assambleıasynyń, Qostanaı oblysy ákimdiginiń qoldaýymen uıymdastyrylýda.

Barlyq kórermenderge festıvalǵa kirý tegin.