Qazaqstandyq ýaǵyzshy dinı kózqarasy durys bolmaǵanyn aıtyp, málimdeme jasady (VIDEO)

Korjavın Denıs Valerevıch esimdi ýaǵyzshy málimdemesin vıdeoǵa túsirip, ǵalamtorǵa júktedi dep habarlaıdy Qamshy aqparattyq agenttigi. Ol dinı senimdegi adamdar arasynda Abdýlla Korjavın esimimen tanymal ekenin aıtady. Sońǵy ýaqytta ǵalamtor arqyly dinı materıaldardy taratýmen aınalysqanyn jáne olardyń "Trı osnova" kitabynyń negizinde daıyndalǵanyn aıtty. Atalmysh kitap Qazaqstan aýmaǵynda ekstremıstik dep tanylǵan. Osyǵan  baılanysty, Denıs Valerevıch ary qaraı ekstremıstik materıaldardy taratýdy toqtatatynyn jáne dástúrli Islam dinine ótip, radıkaldy aǵymdarǵa qarsy bolatynyn aıtady.

"Men ózimniń qateligimdi túsindim. Endi Qazaqstan aýmaǵynda da, shetelde de mıssıonerlik ispen aınalyspaımyn. Meniń beınematerıaldarym dinı alaýyzdyqty týdyrady" deıdi ýaǵyzshy.

Sonymen qatar, ol áleýmettik jelilerdegi, ǵalamtordaǵy óziniń taratqan barlyq materıaldardy óshirýdi surady.  

Daıyndaǵan: Ásem Álmuhanbet