Tramp on shaqty memlekettiń qaıtarymsyz granttaryn nesıemen almastyrmaq nıette

Aq úı $1 mlrd kólemindegi grant baǵdarlamalaryn qysqartýdy kózdep otyr, dep jazady Qamshy aqparattyq agenttigi.

AQSh prezıdenti Donald Tramp Memlekettik departament júıesinde qamtamasyz etilgen tegin áskerı grantty qaıta qaramaq, sonymen qosa Kongress maquldasa, ony qaıtarymdy nesıemen almastyrmaq oıda. Bul jaıynda dúısenbi kúni Vedomstvoda habarlandy.

Amerıkalyq sheneýnikterdiń aıtýynsha, atalmysh usynysty osy apta ishinde zań shyǵarýshylar qaraıdy. Másele $1 mlrd.ty quraıtyn 10 memleketke qatysty baǵdarlama jaıynda bolyp otyr.

Granttan aıyrylýy múmkin memeleketterdiń qatarynda Ýkraına tur. Sáýirdiń aıaǵynda The Foreign Policy basylymy Memlekettik departamenttiń 2018 jylǵa qarjy jobasyn jarııalaǵan. Onda AQSh-tyń Ýkraınaǵa qarjylyq kómegi 68,8%-ǵa qysqaratyndyǵy jazylǵan, ıaǵnı $570,9-dan $177,9, mln.ǵa deıin qysqarmaq.

Memlekettik departamenttiń habarlamasynda Ýkraınadan bólek myna memleketterdiń granttyq kómekten aıyrylatyndyǵy kórsetildi: Pákistan, Týnıs, Lıvan, Kolýmbııa, Fılıppıny jáne Vetnam. Pákistanǵa kórsetilgen granttyq kómek $265 mln.-dan $100 mln-ǵa deıin qysqarady.

Osy ýaqytqa deıin Memlekettik departament basqarmasymen qaýipsizdik maqsatynda $6 mlrd. bólingen. AQSh áskerı grant retinde usynǵan kómekter tizimi mynadaı bolǵan: Izraıl - $3,1 mlrd, Iordanııa - $350 mln. jáne Mysyr - $1,3 mlrd. Amerıkalyq sheneýnikterdiń aıtýynsha, atalmysh granttar 2018 jylǵy qarjyda saqtalady.

Naýryz aıynda Aq úı ákimshiligi damýshy memleketterge qoldaý shyǵyndaryn úsh esege qysqartýdy usyndy. 2018 jylǵy joba bıýdjetinde Ýkraınaǵa kórsetilgen kómekti 68,8%-$177,9 mln.-ǵa qysqartty. Tájikstan – 47,6%-ǵa, $17,3 mln.-ǵa qysqardy, Moldava – 47,4%-$16 mln.-ǵa qysqardy. Armenııa, Ázirbaıjan, Belarýsııa, Grýzııa, Qazaqstan, Qyrǵyzstan, Túrkimenstan memleketterine kómek 100%-ǵa qysqardy. Kómekten tolyq aıyrylǵandardyń qatarynda Vetnam men Kýba da bar. Al, Irak pen Sırııaǵa kómek kerisinshe óspek: Irak – 144,9% - $122 mln.-nan $300 mln.-ǵa deıin, Sırııa – 50%-ǵa, $100 mln.-dan $150 mln.-ǵa deıin ósedi. 

Sholýshy: Gúlim Jaqan