«Jaǵympazdyqtyń talaıyn kórip edik, dál ákesin óltirip jaǵympazdanǵandy kim kórgen?»

Facebook qoldanýshysy Qýandyq Shamahaıuly dosynyń kýá bolǵan oqıǵasyn jazdy. Onda ákesiniń jerleýine barlyq eldi bastyǵyna bola kúttirtip qoıǵanyn jazady. 

"Keshe bir dosym jaǵasyn ustap keldi. Bir áriptesiniń ákesi qaıtys bolyp, jerleýine qatysypty. Qabirshiler oralǵan soń dámhanadaǵy jurtty saǵattap uzaq kúttirip qoıdy deıdi. Sebebin surasa, álgi ákesi qaıtys bolǵan jigittiń bastyǵy kelýi kerek eken. Bastyǵynyń qoly bosamaǵan ba, ákesi ólgen jigit álsin-álsin telefon soǵyp: «Pálen Páshtýanovıch, jurt sizdi ǵana kútip otyr. Áli bastaǵan joqpyz» dep jalynyp-jalpaıǵany anyq estilip tursa kerek. 
 Uzaq kútýden sharshaǵan moldanyń da tózimi taýsylyp: «О́lim-jitimde de bastyqqa jaǵýdy oılaý degen ne sumdyq» degendi aıtyp qalypty. Sonymen uzaq kúttirgen bastyq zorǵa kelip, áreń degende quran oqylyp, jınalǵan qaýym qol jaıyp, dám tatypty. Ákesi ólgen jigittiń eki sóziniń biri «Pálen Páshtýanovıch, sizge kóp raqmet, myń alǵys» deýmen bolypty. Qaıǵysyn bólisken, naýqanǵa atsalysqan bylaıǵy jurtty tipti umytyp ketken kórinedi. 
Áı, qý jaǵympazdyq-aı deseńshi! Ákesi ólmese, bastyǵynyń nurly dıdaryn kóre almaı qor bolatyndaı basyna ne týdy eken? Mundaı arsyz jaramsaqqa ne daýa" deıdi Qýandyq Shamahaıuly.