Er-Rııadta terrorızmmen kúres kontıngenti quryldy

Saýd Arabııasynyń astanasy Er-Rııadta ótip jatqan arab jáne musylman elderiniń sammıtinde Irak pen Sırııadaǵy terrorıstermen kúresti qoldaýdyń áskerı kontıngenti quryldy. Bul týraly sammıt qorytyndysynda qabyldanǵan qujatta aıtylady. Sammıtke AQSh prezıdenti Donald Tramp ta qatysty, dep habarlaıdy Qamshy aqparattyq agenttigi Azattyq radıosyna silteme jasap.

Er-Rııadtaǵy sammıtke qatysqan 50-den astam eldiń memleket jáne úkimet basshylary, onyń ishinde AQSh prezıdenti Donald Tramp Irak pen Sırııadaǵy terrorısterge qarsy operasııalardy qoldaý kontıngentign qurýdy qoldady. Kontıngent 34 myń adamnan quralady dep josparlanǵan.

Sammıtte qabyldanǵan "Er-Rııad deklarasııasynda" sonymen qatar Ekstremıstik ıdeologııamen kúrestiń dúnıejúzilik ortalyǵy qurylǵany da aıtylady. Ortalyqtyń shtab-páteri Er-Rııadta ornalaspaq.