Ǵajap! 500 gramdyq sábıdiń júregine jasalǵan operasııa sátti aıaqtaldy

Úndistanda ýaqytyna jetpeıt 28-aptada dúnıe esigin ashqan sábıdiń salmaǵy nebári 470 gramm. Ol – júregine jasalǵan operasııany jeńip shyqqan álemdegi eń kishkentaı bóbek.

Radjastan aýrýhanalarynyń birinde dúnıege kelgen sábıdiń kólemi adamnyń alaqanyndaı ǵana. Kishkentaı bolǵany sonshalyq, dárigerler alǵashynda qoldaryn tıgizýge úreılengen. Dúnıege kelse de, kózderi jabyq, tolyq damymaǵan, terisi áli de qaǵaz sekildi edi.

2 apta ótken soń «Gıtandjalı» kolledji men «Djevanta» aýrýhanasynyń dárigerleri balanyń tym álsizdigine qaramastan júregine ota jasaıdy. Sebebi, tynys alý júıesinde qıyndyqtar bolǵan.

470 gramdyq sábıdiń júregine ota jasaý úlken jaýapkershilik, ári qıynnyń qıyny. Onyń ústine, náresteniń aǵzasy da áli damymaǵan. Alaıda dárigerler táýekelge bardy.

Nárestege operasııany jańadan týǵan sábılerge arnalǵan arnaıy hırýrgııalyq quraldary bar ıntensıvti terapııa bóliminde jasady. Abyroı bolǵanda, bári sátti aıaqtaldy. Sábıdiń ata-anasy men aýrýhana qyzmetkerleri bul sáttilikti, náresteniń arýdy jeńip shyǵýyn ǵajapqa balady.    

Sholýshy: Gúlim Jaqan