01 Mamyr, 2017 Saıasat
Tıllerson Qazaqstannyń syrtqy ister mınıstrimen kezdesti
AQSh memlekettik hatshysy Reks Tıllerson men Qazaqstannyń syrtqy ister mınıstri Qaırat Ábdirahmanov Nıý-Iorkte kezdesip, áriptestik máseleleri men Sırııa jáne...
AQSh memlekettik hatshysy Reks Tıllerson men Qazaqstannyń syrtqy ister mınıstri Qaırat Ábdirahmanov Nıý-Iorkte kezdesip, áriptestik máseleleri men Sırııa jáne Aýǵanstandaǵy jaǵdaıdy talqylady. Júzdesýde Koreı túbegindegi janjal da sóz boldy.
Halyqaralyq arenadaǵy jaǵdaı Qaırat Ábdirahmanovtyń BUU Bas hatshysy Antonıý Gýterrıshpen kezdesýinde de talqylandy. Qazaqstan ókilderi 28 sáýirde BUU Qaýipsizdik keńesiniń mınıstrler debatyna qatysty. AQSh tóraǵalyǵymen ótken debatta Soltústik Koreıa jónindegi másele talqylandy.
Halyqaralyq qaýymdastyq Koreı túbegindegi áskerı janjaldyń órshýinen qaýiptenedi. Sońǵy birneshe aptada Soltústik Koreıa ıadrolyq arsenalyn kúsheıtkenin kúnde málimdep júr. Phenıan jappaı qyryp joıatyn qarýdyń jańa synaqtary ótetinin, aımaqtaǵy amerıkalyq kúshterge soqqy jasaıtynyn aıtty.
AQSh teńiz kúshteri men atom súńgýir qaıyǵyn Koreı túbeginiń jaǵalaýyna jetkizdi. Vashıngton jyl sońyna deıin Ońtústik Koreıada Zymyranǵa qarsy qorǵanys júıesin ornatýdy kózdep otyr. Aq úı BUU-ny Soltústik Koreıaǵa qarsy sanksııalardy kúsheıtýge shaqyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir