"86 sýısıd jaǵdaıy bolǵan": Depýtat qorǵanys mınıstrligindegi tergeý nátıjelerin aıtty

Avershınniń aıtýynsha, sońǵy tórt jylda ártúrli kúshtik vedomstvolarda 86 sýısıd bolǵan. Iаǵnı olardyń ishine Qorǵanys mınıstrligi, IIM Ulttyq ulany, UQK Shekara qyzmeti, Memlekettik kúzet qyzmeti, Tótenshe jaǵdaılar mınıstrligikteri kiredi.

Sonymen qatar maman tórt jyl ishinde qarýly kúshterde 40 sýısıd faktisi tirkelgenin jetkizdi. Onyń ishinde:

• 2021 jyly - 10;
• 2022 jyly - 7;
• 2023 jyly - 12;
• 2024 jyly – 11 fakt bolǵan.

Sanattar boıynsha:

• ofıserler arasynda bolǵan sýısıd sany – 7;
• kelisimshart boıynsha áskerı qyzmetkerler arasynda – 22;
• kýrsanttar (kadetter) arasynda – 4;
• merzimdi qyzmet sarbazdary arasynda – 7.

“34 fakt boıynsha sotqa deıingi tergep-tekserý aıaqtaldy jáne túpkilikti prosestik sheshimder qabyldandy. Olardyń eshqaısysynda óz-ózine qol jumsaýǵa ıtermeleý belgileri anyqtalǵan joq", - dedi ol.

Májilismen atalǵan qylmystyq ister boıynsha is júrgizý qylmystyq quqyqbuzýshylyq quramynyń bolmaýyna baılanysty toqtatylǵanyn jetkizdi. Qabyldanǵan is júrgizý sheshimderi prokýratýramen zańdy dep kelisilgen.

"Alty fakt boıynsha sotqa deıingi tergeý jalǵasýda. Tergeý nátıjeleri boıynsha naqty sebepter men jaǵdaılar anyqtalady. Qylmystyq is júrgizý zańnamasynyń talaptaryna sáıkes, sotqa deıingi tergeýdi IIM áskerı-tergeý organdary júrgizedi. Tergeý barysyn Bas áskerı prokýratýra qadaǵalaıdy. Qorǵanys mınıstrliginiń tergeý barysyna aralasýǵa nemese yqpal etýge quqyǵy joq", - dedi Avershın.

Depýtat qorǵanys vedomstvosy sýısıdtiń árbir faktisi boıynsha qyzmettik tekserý júrgizetinin, oqıǵalardyń sebepteri men mán-jaılaryn, olarǵa yqpal etken kemshilikter men olqylyqtardy anyqtaıtynyn, jumystyń tıimdiligin jaqsartý jáne arttyrý jóninde usynystar engizetinin, sondaı-aq kinálilerge qatysty sharalar qabyldaıtynyn aıtty.

"Júrgizilgen qyzmettik tergeý nátıjeleri boıynsha 180 adamǵa qatysty tártiptik yqpal etý sharalary qabyldandy. 11 adam atqaratyn laýazymdarynan bosatyldy. Ekeýi áskerı ataǵynan bir satyǵa tómendetildi jáne 167 áskerı qyzmetker ártúrli tártiptik jaýapkershilikke tartyldy (eskertý, sógis, qatań sógis, atqaratyn laýazymyna tolyq emes qyzmettik sáıkestik)", - dep qosty depýtat.