Bıshimbaevtyń burynǵy áıeli ony ata-ana quqyǵynan aıyrýdy surady

 Nazym Qaharman balalarynyń famılııasy ózgergenin qalaıdy.

«Árbir qaǵaz úshin asa qaýipti qylmyskerler otyrǵan túrmege barmaý negizgi oı bolatyn. Mysaly, onyń kelisiminsiz balalardyń eshqaısysy týrnırge nemese olımpıadaǵa jattyqtyrýshymen nemese muǵalimmen birge bara almaıdy. Al eń aldymen, zańnyń ózi otbasy múshesine qatysty osyndaı qylmys jasaǵany úshin sottalǵandardyń ata-ana quqyǵynan aıyrylatyndyǵyn anyqtaǵan. Onyń da sebebi joq emes. Mundaı adamdar balalary úshin sheshim qabyldamaýy kerek. Bizdiń jaǵdaıda tipti kedergi jasaýǵa bolmaıdy. Balalar áli kúnge deıin onyń famılııasymen júr. Ekinshi ata-ananyń kelisiminsiz biz ony jasaı almaımyz. Alǵashqy kúnnen bastap kez-kelgen qarapaıym ata-ana mundaıǵa ruqsat berer edi. Balalar bir jylǵa jýyq ýaqyt boıy osy famılııamen júrýge jáne teris áserdi qabyldaýǵa májbúr», – dep jazdy Nazym Kaharman Instagram-daǵy paraqshasynda.

Aıta keteıik, eks-mınıstr Qýandyq Bıshimbaev azamattyq nekedegi áıeli Saltanat Núkenovany 2023 jyldyń 9 qarashasynda aıaýsyz soqqyǵa jyǵyp óltirgen. Osy qylmysy úshin bıyl mamyr aıynda 24 jylǵa bas bostandyǵynan aıyryldy. 26 maýsymda apellıasııalyq alqa úkimdi ózgerissiz qaldyrdy. Shilde aıynda Qýandyq Bıshimbaev tergeý ızolıatorynan túrmege aýystyryldy, onda ol jazasyn óteıdi.