Qazaqstandyq aǵzasyn 9 mıllıon teńgege satpaq bolǵan

О́ńirdiń prokýratýrasy adamnyń aǵzalaryn zańsyz satýǵa oqtalý áreketin anyqtaǵanyn jetkizdi.

“Aqtóbe oblysy prokýratýrasymen áleýmettik jelige monıtorıng júrgizý barysynda "E" esimdi azamattyń óziniń ishki aǵzalaryn satýy boıynsha yqtımal mámile jasaý týraly aqparat alyndy. 2024 jyldyń 25 qyrkúıeginde prokýratýranyń bastamasymen jedel-izdestirý is-sharasy júrgizildi. Nátıjesinde, uıymdasqan qylmysqa qarsy kúres basqarmasynyń qyzmetkerleri óziniń ishki aǵzalaryn 9 mıllıon teńgege zańsyz mámile jasaý arqyly satpaq bolǵan "E" esimdi azamatty ustady”, – delingen habarlamada.

Atalǵan fakti boıynsha qylmystyq kodekstiń 116-babynyń 1-bóligimen (Adamnyń aǵzalary men tinderin alyp qoıýǵa májbúrleý nemese zańsyz alyp qoıý) sotqa deıingi tergep-tekserý bastaldy. Ol 5 jylǵa deıin bas bostandyǵynan aıyrylýy múmkin.