26 Qyrkúıek, 2024 NEWS
Gennadıı Golovkın jańa qyzmetke taǵaıyndaldy
Qazaqstan Ulttyq Olımpıadalyq komıtetiniń prezıdenti Gennadıı Golovkın Halyqaralyq boks federasııasy (World Boxing) jańa Olımpıadalyq komıssııasynyń tóraǵasy atandy.
Foto: Gov.kz
Jumys barysynda Qazaqstan UOK basshysy World Boxing qyzmetiniń ashyqtyǵyn qamtamasyz etý máselelerine qatysty halyqaralyq sporttyq uıymdarmen birlese jumys isteýge kóńil bóledi.
Sonymen qatar, onyń komıssııa basshysy retindegi basty mindetteriniń biri - boksty Olımpıada oıyndarynyń baǵdarlamasynda qaldyryp, World Boxing uıymyn HOK moıyndaýy úshin Halyqaralyq Olımpıada komıtetimen tyǵyz áriptestik ornatý bolmaq.
Aıta ketelik, World Boxing Gennadıı Golovkınniń kandıdatýrasyn alǵashqylardyń biri bolyp bekitti. Jaqyn arada Olımpıadalyq komıssııa quramyna sport áleminiń ózge de ókilderi enip, boksty Olımpıadalyq qozǵalys ortasynda qaldyrýǵa arnalǵan iri josparlardy júzege asyrýǵa kúsh salady.
World Boxing 2023 jyldyń sáýirinde quryldy. Qazirgi tańda uıym quramyna álemniń 44 memleketindegi Ulttyq federasııalar engen.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir