Jedel járdem qyzmetiniń ýaqyty qysqarady – Densaýlyq saqtaý mınıstrligi túsinikteme berdi

Endi naýqastyń sozylmaly aýrýy qozyp, densaýlyǵyna tikeleı jáne yqtımal qaýip tónbese túnniń ortasynda jedel járdem shaqyra almaıdy.

Ashyq NQA portalyna «Jedel medısınalyq járdem, onyń ishinde medısınalyq avıasııany tarta otyryp, kórsetý qaǵıdalaryn bekitý týraly» buıryqtyń jańa jobasy jaryq kórdi. Qujat 8 qazanǵa deıin talqylanady.

«Shuǵyldyqtyń 4-sanatyna shaqyrtýlar kelip túsken kezde JMK stansasynyń dıspetcheri avtomattandyrylǵan basqarý júıesi arqyly shaqyrtýlardy medısınalyq-sanıtarııalyq alǵashqy kómek kórsetetin densaýlyq saqtaý uıymdarynyń (budan ári – MSAK uıymdary) mobıldi brıgadalaryna olardyń jumys ýaqytynda (jumys kúnderi saǵat 08:00-den 18:00-ge deıin) beredi.

MSAK uıymyna qaıta jiberilýge jatatyn shaqyrýlardy tirkeý jumys kúnderi saǵat 8.00-den 18.00-ge deıin, senbi kúni saǵat 8.00-den 12.00-ge deıin júzege asyrylady.

Jedeldiktiń 4-sanatyn shaqyrý degenimiz – pasıenttiń ómiri men densaýlyǵyna tikeleı jáne yqtımal qater bolmaǵan kezde, aǵzalar men júıelerdiń kenetten jáne aıqyn buzylýynsyz, jiti aýrýdan nemese sozylmaly aýrýdyń shıelenisýinen týyndaǵan pasıenttiń jaı-kúıi», – delingen qujat jobasynda.

Densaýlyq saqtaý mınıstrligi buıryq jobasyna qatysty túsinikteme berdi.

"Mınıstrlik azamattardyń jedel járdemniń kelýiniń keshigýi týraly kóptegen ótinishterine jaýap retinde taldaý júrgizip, jaǵdaıdy jaqsartý úshin sheshimder usynady. Taldaý nátıjeleri shaqyrtýlardyń 50 paıyzdan astamy shuǵyldyqtyń tórtinshi sanatyna jatatynyn kórsetti, bul emhanalardy qosa alǵanda, medısınalyq-sanıtarııalyq alǵashqy kómek uıymdarynyń (MSAK) baqylaýyndaǵy sozylmaly aýrýlary bar pasıentterge qyzmet kórsetýdi bildiredi. Osyǵan baılanysty mınıstrlik Medısınalyq-sanıtarııalyq alǵashqy kómek kórsetý standartyna jáne Jedel medısınalyq kómek kórsetý qaǵıdalaryna ózgerister jobasyn ázirledi. О́zgerister keıbir BAQ durys jetkizbegendeı, úıde qyzmet kórsetýdi toqtatýdy bildirmeıdi, kerisinshe medısınalyq qyzmetterdiń qoljetimdiligi men sapasyn jaqsartýǵa baǵyttalǵan.

Dárigerdi úıge shaqyrtýlardy tirkeýge jáne úıdegi stasıonarlardy uıymdastyrýǵa qatysty tarmaqtar qujattyń qurylymyn jaqsartý úshin jobanyń basqa bólimine aýystyryldy, biraq olar kúshinde qalady. MSAK-tyń medısına qyzmetkerleri aldyńǵy standarttyń sheńberinde úıde kómek kórsetýdi jalǵastyrady.

Densaýlyq saqtaý mınıstrligi qyzmet kórsetý sapasy men azamattardyń qanaǵattanýshylyǵyn arttyrý úshin medısınalyq kómek kórsetý júıesin jetildirý boıynsha jumysty jalǵastyrady", – delingen habarlamada.