25 Qyrkúıek, 2024 NEWS
Izraıldiń Lıvanǵa jasaǵan áýe shabýylynan 500-ge jýyq adam qaza boldy
Al jaraqat alǵan jandardyń sany myńnan asyp jyǵylady.
foto: ashyq derekkózden
Marqumdardyń arasynda áıelder men balalar da bar. Bul týraly Lıvannyń Densaýlyq saqtaý mınıstrligi málimdedi.
Júzdegen otbasy baspanasyn tastap qashyp jatyr. Bosqyndarǵa arnalǵan ýaqytsha panalaý oryndary ashylǵan. Al Izraıl bıligi tek "Hezbollanyń" qarý-jaraq saqtaıtyn qoımalaryn atqylap jatqandaryn aıtady. Olar beıbit turǵyndardy qaýipsiz jerge kóshýge shaqyrǵan.
"Hezbolla" jasaǵy da qarap qalmaı, qarsy tarapqa soqqy jasaǵan. Taraptar arasyndaǵy qaqtyǵystyń ýshyǵýy álem elderin alańdatyp otyr. Tipti, Birikken ulttar uıymynyń ókilderi "Lıvan taǵy bir Gazaǵa aınalýy múmkin" ekenin aıtqan.
Eske salsaq, ótken aptada Lıvanda peıdjerler jarylyp, 37 adam mert bolǵan edi. Osy oqıǵadan keıin Izraıl men "Hezbolla" bir-birine qarsy shabýyldy údetken.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir