Sý tasqyny. Elimiz boıynsha 2576 úı salyndy

Barshamyzǵa málim sý tasqyny elimizdiń 10 oblysynda boldy. Jalpy alǵanda, sý tasqyny saldarynan 224 eldi meken, 17 603 turǵyn úı zardap shekti. Barlyq zardap shekken ǵımaratqa tehnıkalyq tekserý júrgizildi. Tekserý qorytyndysy boıynsha, 9 156 úı jóndeý jumystarynan ótti. Al 8 447 úı qalpyna keltirýge jatpaıtyn bolyp tanyldy.

Nátıjesinde, naryqtan 5 767 úı men páter satyp alyndy. 2680 jańa úıdiń qurylysy bastaldy. Jańa turǵyn úı salý alańdaryn tańdaý barysynda olardy keleshekte sý basýdan shekteý maqsatynda jergilikti jerdiń relefteri men landshafty eskerilgenin atap ótken jón. Búgingi tańda 2576 úıdiń qurylysy aıaqtaldy. Qurylys jumystary mamyr aıynyń sońynda bastalyp, 4 aıda aıaqtaldy, - dedi mınıstr.

Sharlapaev qurylys jumystaryn baqylaý úshin mınıstrlik janynda Ahýaldyq ortalyq qurylǵanyn aıtady.

- Qurylys jumystarynyń barysy men sapasyn baqylaý maqsatynda ár óńirdegi qurylys alańdaryna mınıstrliktiń jáne sý tasqynynan zardap shekpegen óńirlerdiń qyzmetkerleri issaparǵa jiberildi. Sondaı-aq, Eńbek jáne halyqty áleýmettik qorǵaý mınıstrliginiń «Áleýmettik kómek» aqparattyq júıesi zalaldy óteý boıynsha ótinishterdi qabyldaý jáne óńdeý prosesin uıymdastyrýyna eleýli úlesin qosty. Sıfrlyq damý mınıstrligi mobıldik qosymshalar arqyly zalaldy óteý ótinishin berýdi qysqa ýaqytta uıymdastyryp, tıisti qujattar bolmaǵan jaǵdaıdyń ózinde ótinish berý múmkindigi qarastyryldy, - deıdi qurylys mınıstri.