• USD 468.56

  • EUR 497.56

  • RUB 7.3

  • CNY 67.18

15 Maýsym, 19:54:47
Almaty
+35°

21 Mamyr, 2024 NEWS

UBT-ǵa ózgeris engiziledi

Ǵylym jáne joǵary bilim mınıstri Saıasat Nurbek Qazaqstanda UBT formaty birtindep ózgerip, joǵary oqý oryndaryna qabyldaý úshin SAT standarttalǵan test formatyna kóshetinin aıtty.

Foto: ashyq derekkózden

Mınıstrdiń aıtýynsha, UBT burynǵysynsha test formaty boıynsha ótedi.

- Test qalady. Halyqaralyq tájirıbe kórsetkendeı, joǵary oqý oryndary úshin qandaı da bir koordınattar júıesi qajet, biraq testti uıymdastyrýdyń mazmuny men tásili túbegeıli qaıta qaralady. Endi ol jeke bolady, talapker óz formatynda yńǵaıly rejımde test tapsyrady, - dedi mınıstr. 

Sondaı-aq ol 2021 jyldan bastap Qazaqstanda UBT formatyn qaıta qurý jáne test suraqtaryn túbegeıli qaıta óńdeý jobasy iske qosyldy. Muny Fransııa men Fınlıandııadan kelgen testologtar jasaıdy. "Oqytylǵan testologtar toby SAT formatyna jaqyn jańa ádisteme boıynsha suraqtar daıyndaı bastaıdy, bul – halyqaralyq tanylǵan test. Biz bazany qurǵan kezde, jańa UBT formatyn basqara alatyndaı etip kem degende 50 myń suraq ázirleýimiz kerek. Birtindep ózgeredi, formattyń birden ózgerýi úlken problemaǵa alyp keletindikten, buǵan joǵary synyp oqýshylaryn daıyndaý kerek", - deıdi.

Endi úmitker saıtta tirkelip, test tapsyrady, sodan keıin ýnıversıtetke túsý týraly sertıfıkat alady. "Birte-birte biz SAT halyqaralyq standartyna kóshemiz: árbir talapker testileý ornyn, ýaqytyn tańdaıdy, daıyndalady, test tapsyrady, sertıfıkat alady, oqýǵa túsedi", - deıdi mınıstr.

"Qamshy" silteıdi
Ilmek sózder: UBT ózgeris

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir