Dına Tańsári: Eki polıseı 14 jastaǵy qyzdy zorlap, vıdeoǵa túsirgen

Eki polısııa qyzmetkeri kámeletke tolmaǵan qyzdy zorlap, ony vıdeoǵa túsirgen. Bul týraly "Ne molchı" qorynyń jetekshisi Dına Tańsári habarlady. 

«Bizge anonımdi derekkózdiń habarlaýynsha, Qonaev qalasynda eki polısııa qyzmetkeri qyzmet babyn paıdalanyp, 14 jastaǵy mektep oqýshysymen jynystyq qatynasqa túsip, ony vıdeoǵa túsirip alǵan (vıdeony qazir tártip saqshylary taratyp jatyr). Bizge belgili bolyp otyrǵandaı, onyń bireýi kámelet jasyna tolmaǵandar isi jónindegi ınspektor, ekinshisi ǵımarattardy qorǵaý jónindegi polısııa qyzmetkeri. Qazir ekeýi de tutqyndalyp, qujat boıynsha erte jumystan bosatylǵan.

Bul aqparat qanshalyqty ras, Rýstam Ábdirahmanov (Almaty oblystyq polısııa departamenti bastyǵynyń orynbasary)? Rastaýdy nemese joqqa shyǵarýdy talap etemiz!» — dep jazdy Dına Tańsári áleýmettik jelidegi paraqshasynda. 

Dına Tańsári bul oqıǵany Bas prokýratýrasynan, Balalardyń quqyqtaryn qorǵaý komıtetinen jáne Dınara Zákıevanyń jeke baqylaýyna alýdy, aqparatty naqtylaýdy suraıdy. Sondaı-aq aqparat rastalǵan jaǵdaıda qyzǵa psıhologııalyq qoldaý kórsetýdi jáne qylmystyq isti baqylaýǵa alýdy ótindi.