15 Qarasha, 2023 Áleýmet
"Zań bárine birdeı". Bıshimbaevtyń isi Toqaevqa jetti
Áıtpese Bıshimbaev áýletiniń dáýleti tergeý men sotty satyp alýy múmkin.
Bıshimbaevtyń muraǵatynan
Qasym-Jomart Toqaev Ishki ister mınıstrligine elorda meıramhanalarynyń birinde bolǵan kisi ólimine qatysty rezonans týdyrǵan oqıǵany erekshe baqylaýǵa alýdy tapsyrdy, dep habarlaıy Qamshy.kz Aqordaǵa silteme jasap.
"Zań bárine birdeı. Azamattarymyz zańdylyqty nyǵaıtý jolynda judyryqtaı jumylsa ǵana qoǵamda ádildik ornaıdy. Ádiletti Qazaqstan – Zań men Tártip ústemdik quratyn el", – dedi Prezıdent.
Prezıdent Ishki ister mınıstri Erjan Sádenovpen, Bas prokýror Berik Asylovpen, Joǵarǵy Sot tóraǵasy Aslambek Merǵalıevpen kezdesý ótkizgen.
Qasym-Jomart Toqaevtyń pikirinshe, Zań men Tártip qaǵıdaty Qazaqstan qoǵamynyń ıdeologııalyq jáne saıası temirqazyǵyna aınalýy tıis. Qazirgi qalyptasqan jaǵdaı kóshedegi mádenıetsizdikten bastap tóbeles, urlyq, kisi óltirýge deıingi quqyqbuzýshylyqtyń barlyq túrine ymyrasyz qarsy turýdy talap etedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir