Qandastardy qabyldaý: 2024 jylǵa arnalǵan kvota belgilendi

Qazaqstannyń Eńbek jáne halyqty áleýmettik qorǵaý mınıstrligi 2024 jyly qandastarǵa jáne Qazaqstanǵa qonys aýdarýshylarǵa beriletin óńirlik kvotalar sanyn qoǵam talqysyna shyǵardy.

Buıryq jobasyna sáıkes, 2024 jyly:

1) qandastardy qabyldaýdyń 2024 jylǵa arnalǵan óńirlik kvotasynyń sany 2 433 adam;

2) qonys aýdarýshylardy qabyldaýdyń 2024 jylǵa arnalǵan óńirlik kvotasynyń sany 7 050 adam bolyp belgilendi.

2023 jyly qandastarǵa 1 925 kvota, qonys aýdarýshylarǵa 6 727 kvota berilgen bolatyn.

«Kóshi-qon týraly» zań boıynsha kvota bólingen azamattarǵa mynadaı qoldaý sharalary kórsetiledi:

• Beıimdeý jáne yqpaldastyrý ortalyqtarynda tegin beıimdeý jáne yqpaldastyrý qyzmetterin kórsetý;
• QR densaýlyq saqtaý salasyndaǵy zańnamasyna sáıkes medısınalyq kómek kórsetý;
• QR azamattarymen teń jaǵdaıda mektepterde jáne mektepke deıingi uıymdarda oryndarmen, Úkimet aıqyndaıtyn kólemde tehnıkalyq jáne kásiptik, orta bilimnen keıingi jáne joǵary bilim beretin oqý uıymdaryna oqýǵa túsýge bólingen kvotaǵa sáıkes bilim alý múmkindigin berý;
• QR azamattarymen teń jaǵdaıda áleýmettik qorǵaý;
• QR zańnamasyna sáıkes jumyspen qamtýǵa járdem berý.

Bıyl jyl basynan beri, 9 aıdyń ishinde 16 408 etnıkalyq qazaq atamekenge oralyp, qandas mártebesin aldy.