Qazaqstan – Qytaı arasyndaǵy vızasyz rejım kúshine endi

Búginnen ıaǵnı, 2023 jyldyń 10 qarashasynan bastap, Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy vızalyq talaptardan ózara bosatý týraly kelisim kúshine endi, dep habarlaıdy Qamshy.kz.

Sondaı-aq, azamattardyń eki memleket aýmaǵynda bolý merzimi kúntizbelik 30 (otyz) kúnnen aspaıtyn merzimdegi kezeńge, al kúntizbelik 180 (júz seksen) kún ishinde jıyntyǵynda kúntizbelik 90 (toqsan) kúnnen aspaýy qajet. Azamattarda 30 kúnnen artyq bolý qajettiligi bolǵan jaǵdaıda, tıisti sanattaǵy kirý vızasyn aldyn ala rásimdeý qajet.

Vızasyz rejım jumysqa ornalasýǵa, oqýǵa jáne mıssıonerlik qyzmet jasaýǵa quqyq bermeıdi. Joǵaryda atalǵan kelisim QHR Gonkong jáne Makao arnaıy ákimshilik aýdandarynyń aýmaǵyna barýǵa qoldanylmaıtynyn da atap ótemiz. Iаǵnı, Qazaqstan azamattary Gonkongqa vızasyz 14 (on tórt) kúnnen aspaıtyn merzimge ǵana bara alady. Al Makaoǵa barý úshin arnaıy vıza rásimdeý qajet.