Qazaqstan Qytaıǵa ýran jetkizý týraly kelisti

"Qazatomónerkásip" ulttyq atom kompanııasy" AQ China National Uranium Corporation Limited – CNUC kompanııasymen qazaqstandyq tabıǵı ýran konsentratyn jetkizý jónindegi kelisimshartqa qol qoıdy.

Kompanııanyń habarlaýynsha, bul kelisimshart Qytaıdyń taza, kómirteksiz elektr energııasyna degen óskeleń qajettiligin qamtamasyz etýge jáne eki el arasyndaǵy atom salasyndaǵy tarıhı uzaq merzimdi qatynastardy nyǵaıtýǵa yqpal etetin bolady.

"Qazatomónerkásiptiń naryqqa baǵdarlanǵan strategııasy barlyq múddeli taraptar úshin uzaq merzimdi qun qurý maqsatynda tabıǵı ýran konsentrattaryn óndirýge, óńdeýge jáne satýǵa baǵyttalǵan. CNUC sııaqty iri qytaılyq energetıkalyq kompanııalardyń birimen tyǵyz yntymaqtastyq ornatý Qazatomónerkásiptiń álemdik ıadrolyq otyn naryǵynda senimdi jáne tańdaýly jetkizýshi retindegi ornyqty bedelin bildiredi", - dep tolyqtyrdy "Qazatomónerkásip" UAK" AQ strategııa jáne marketıng jónindegi basqarýshy dırektory Seıitjan Jánibekov.

CNUC kompanııasymen uzaq merzimdi kelisimshartqa 2023 jylǵy mamyrdaǵy aksıonerlerdiń jyldyq jalpy jınalysynda buryn maquldanǵan mámile sheńberinde Shanhaı qalasynda ótken China International Import Expo 2023 kórmesinde qol qoıyldy.

Kelisimsharttyń kólemi men kommersııalyq sharttary qupııa ári kommersııalyq turǵydan sezimtal bolǵandyqtan kópshilikke jarııa etilmeıdi.