Bul týraly О́zbekstan densaýlyq saqtaý mınıstrligi habarlady. Mekeme málimetinshe, 24 adam aýrýhanaǵa túsken. Naýqastardyń birqatarynyń jaraqaty aýyr.
Qalǵan 138 adamǵa alǵashqy medısınalyq kómek kórsetilip, úıge jiberilgen.
28 qyrkúıekke qaraǵan túni Tashkent áýejaıynyń mańyndaǵy keden qoımasynda qýatty jarylys boldy, sońy órtke ulasty. Bul jóninde О́zbekstan bıliginiń málimetine súıengen jergilikti aqparat quraldary jazdy. Jarylystyń saldarynan mańaıdaǵy kóp qabatty turǵyn úılerdiń terezeleri synǵan.
О́zbekstan tótenshe jaǵdaı mınıstrigi, keden komıteti jáne ózge de mekemelerine súıengen Gazeta.uz saıtynyń jazýynsha, jarylys túngi saǵat 2:43-te Tashkenttiń Sergeli aýdany Qurylysshylar massıvinde ornalasqan "Inter logıstıks" kompanııasynyń qoımasynda bolǵan. Jarylystyń saldarynan mańaıdaǵy úılerdiń terezeleri synyp, úı ishi búlingen. Jarylystyń sońy órtke ulasqan.
Pikir qaldyrý
pikir