Almatyda «Mamandyǵym – bolashaǵym» jobasy bastaldy

2023 jyly 27 qyrkúıekte AlmaU-da «Mamandyǵym – bolashaǵym» jobasy bastaldy. Atalmysh joba QR Úkimeti qabyldaǵan «Halyqtyń tabysyn arttyrýdyń 2029 jylǵa deıingi baǵdarlamasy» sheńberinde iske asyrylyp jatyr.  

Almaty qalasynyń Bilim basqarmasynyń tapsyrysy boıynsha Almaty Menedjment ýnıversıtetiniń Kreatıvti ındýstrııalar ortalyǵy «Almaty qalasyn2030 jylǵa deıingi damytý perspektıvasyndaǵy negizgi áleýmettik-ekonomıkalyq kórsetkishterdi eskere otyryp, jańa kásipter men quzyretter atlasy» jobasyn ázirleýdi bastady.

Jańa kásipter men quzyretter atlasy – bul ár sala sarapshylarynyń pikirinshe qazirdiń ózinde suranysqa ıe jáne jaqyn arada paıda bolatyn kásipter jınaǵy. Bul atlastaǵy kásipter men quzyretter aldaǵy 5-10 jylǵa anyqtalady. 5-10 jyldan keıin qandaı mamandyqtar ózekti bolatynyn anyqtaý úshin Foresight (Forsaıt) ádistemesi qoldanylady. Bolashaq ssenarıılerin ázirleýdegi jetekshi ról óz salasynda aıtarlyqtaı tájirıbesi bar, salanyń damýyna áser etýshi jáne bolashaqtyń damýyna ózindik kózqarasy bar salalyq sarapshy mamandarǵa tıesili.

Forsaıt-sessııa jumysyndaǵy negizgi maqsat – kásibı qyzmet salalarynyń ózgerýine áser etetin, ýaqyt óte kele damıtyn úrdisterdi anyqtaý jáne taldaý. Eski kásipterdiń ózgerýi nemese jańa kásipterdiń paıda bolýy qandaı tehnologııalardyń damıtynyna jáne bolashaq ssenarıılerdi qandaı trendter anyqtaıtynyna baılanysty.

Is-shara QR Ǵylym jáne joǵary bilim mınıstri Saıasat Nurbektiń sózderinen bastaldy: «Mamandyǵym –bolashaǵym» baǵdarlamasynyń maqsaty – óńir ekonomıkasynyń ereksheligin eskeretin óńirlik kartalardy qalyptastyrý. Bizdiń jaǵdaıda bul respýblıkalyq mańyzy bar, eń iri, sonymen birge ekonomıkalyq turǵydan kúrdeli, dál osy ónimdi shyǵarmashylyq komponentti damytýda úlken áleýeti bar Almaty qalasy. Baǵdarlamada úsh negizgi steıkholder bar. Birinshisi – jergilikti atqarýshy organ, ol tereń súńgý barysynda qala ekonomıkasyn qalyptastyratyn salalyq kásiporyndar men zákirlik jumys berýshileriniń suranystaryn naqty túsinetin ShOB. Ekinshi steıkholder – aımaqtyq bilim berý júıesi. Atlas iske asyrylyp jatqan oblystarda joǵary oqý oryndary men kolledjder ózderiniń bilim berý baǵdarlamalaryn jańartyp jatqanyn atap óteıin. Bilim berý mekemeleri olardyń mazmunyn 90%-ǵa deıin túrlendirýi múmkin. Úshinshi steıkholder – bul bıznes. Osy karta arqyly olar ózderiniń kadrlyq qajettilikterin aldyn ala tujyrymdaı alady».

Jalpy, is-sharaǵa «Mamandyǵym – bolashaǵym»jobalarynyń jetekshisi Samǵat Ermekbaev, Almatyqalasy Bilim basqarmasy basshysynyń orynbasary Baqytjan Bıekova, «Almaty qalasynyń jańa kásipter men quzyretter atlasy» jobasynyń jetekshisi Dana Shaıahmet, «Mamandyǵym – bolashaǵym» jobasynyń Almaty qalasy boıynsha jobalyq keńsesiniń basshysy Janna Týlegenova qatysty.

«Almaty qalasynyń jańa kásipter men quzyretter atlasy» jobasynyń jetekshisi Dana Shaıahmet bylaı deıdi:

«AlmaU búkil Qazaqstan boıynsha respýblıkalyq mańyzy bar qala retinde óńirlik jáne Almaty atlasyn qurý boıynsha iske asyrylyp jatqan «Mamandyǵym – bolashaǵym» jobasyna qosyldy. Atalmysh atlas bir jaǵynan qandaı mamandyqtar eskirgenin, ekinshi jaǵynan kolledjderde, JOO-larda qandaı mamandyqtar paıda bolatynyna áser etedi. 6 baǵyt boıynsha atlas ázirlenedi. Búgin biz qonaqjaılylyq salasy jáne servıs, qurylys, sáýlet jáne ýrbanıstıka,kólik jáne logıstıka baǵyttary boıynsha forsaıt-sessııany bastadyq».

Almaty qalasy Bilim basqarmasy basshysynyń orynbasary Baqytjan Bıekova jobanyń mańyzdylyǵyna toqtaldy: «Bul – Almaty qalasynyń ekonomıkalyq damýyna úlken septigin tıgizetin joba. Sebebi mamandyqtar men quzyretter atlasy 2017 jyldan beri bastaý alǵan. 2019 jyly Aqtóbede Hromtaý kolledjinde atlastyń nátıjeleri belgilenip, úlken seriktestik jumys júrgizildi. Jańa mamandyqtar ashyldy, jańa bilim baǵdarlamalary iske qosyldy. Bıyl Almaty qalasynyń jergilikti bıýdjetinen qarjy bólinip, 6 baǵyt boıynsha 2030 jylǵa deıin qandaı mamandyqtar, qandaı quzyretter suranysqa ıe bolatyny anyqtalmaq.  Bilim basqarmasy retinde biz jyl saıyn memlekettik bilim berý tapsyrysyn josparlaımyz. Sondyqtan bul jobanyń bereri kóp. Ekonomıkalyq baǵyttan shyǵyp jatqan eski mamandyqtardy jabý boıynsha jumys júrgizemiz. Mektep jasyndaǵy oqýshylar 7 synyptan bastap baǵytyn tańdaıtynyn bilesizder. Jobanyń nátıjesinde biz olarǵa Almaty qalasynda mynadaı mamandyqtar paıda bolady dep aıta alamyz».

«Mamandyǵym – bolashaǵym» jobalarynyń jetekshisi Samǵat Ermekbaev sandardy sóıletti:

«Mamandyǵym – bolashaǵym» jobasynyń aıasynda 94 suhbat alyndy, 1298 boljam jasalyndy, 916 adam forsaıt-sessııaǵa qatysty. 9 salaǵa arnalǵan forsaıt-sessııalar nátıjesinde 463 mamandyq irikteldi. Onyń 239-y jańa, 95-i ózgeriske ushyraǵan, 129-y joıylýy múmkin».

«Mamandyǵym – bolashaǵym» jobasynyń Almaty qalasy boıynsha jobalyq keńsesiniń basshysy Janna Týlegenova sala boıynsha forsaıt-sessııaǵaqatysatyn sarapshylardy top-topqa bóldi. Nátıjesinde kópten kútken forsaıt-sessııa bastaldy.