Almaty qalalyq derekter geoanalıtıkasy platformasynyń jobasy úshin Ońtústik Koreıada qola júldege ıe boldy

«Aqyldy qala» syılyǵy-bıyl alǵash ret ótken jańa halyqaralyq baıqaý. Ony Seýl Úkimeti (Seoul Metropolitan Government) jáne Dúnıejúzilik aqyldy turaqty qalalar uıymy (WeGO) jańa tehnologııalardy engizýde megapolısterdi yntalandyrý maqsatynda bekitken bolatyn.

Bıyl Almaty «GEO-ANALYTICS.KZ» ınnovasııalyq jobasy úshin Tech-InnovaCity nomınasııasy boıynsha syılyqtyń qola júldegeri atandy. Vellıngton (Jańa Zelandııa) altyn, Madrıd (Ispanııa) jáne Los-Andjeles (AQSh) osy nomınasııada kúmis júldeni aldy.

Baıqaýǵa 240 ótinim kelip tústi: ınnovasııalyq sheshimderdi usynǵan qalalar ǵana emes, sonymen qatar biregeı tehnologııalyq ónimderdi ázirlegen jeke kompanııalar da qatysty. Qazylar alqasy jobalardy úsh nomınasııa boıynsha baǵalady, olar: Tech-Innovaciy, Human-CentriCity jáne LLeadership.

«Aqyldy qala» syılyǵy Seýl basqaratyn WeGO halyqaralyq qaýymdastyǵynyń qoldaýymen ótedi. WeGO 160 qalany, 37-den astam joǵary tehnologııalyq kompanııalardy jáne qalalyq prosesterdi avtomattandyrý úshin ınnovasııalardy damytýǵa jáne jasandy ıntellektti engizýge baǵyttalǵan 18 halyqaralyq zertteý uıymdaryn biriktiredi. Uıymda Qazaqstan atynan Almaty men Astana qatysady. WeGO-men yntymaqtastyq «aqyldy qalalar» salasyndaǵy úzdik tájirıbeler jáne standarttarmen ózara almasý úshin halyqaralyq platformaǵa qosylýǵa múmkindik beredi. Uıymnyń Almatyda neǵurlym tıimdi ózara is-qımyl jasaý jónindegi óńirlik keńsesin ashý múmkindigi qarastyrylýda.

Anyqtama: Almatynyń «GEO-ANALYTICS.KZ» platformasy ózgerister tarıhyn saqtaı otyryp, naqty ýaqyt rejıminde túrli derekterdi biriktirýge qabiletti. Onyń 2020 jyly qurylýy Ovid-19 pandemııasynyń qıyndyqtaryna jaýap boldy. Platforma qalalyq qyzmetterdiń tıimdiligin arttyrýǵa yqpal etti ári eń osal aımaqtardy qadaǵalady jáne vırýstyń yqtımal taralý baǵyttaryn boljady. Qazir «GEO-ANALYTICS.KZ» qalalyq derekterdi taldaýdyń ámbebap quralyna aınaldy. Barlyq kelip túsken aqparatty óńdeı otyryp, júıe mektepterdiń, HQKO-lardyń, balabaqshalardyń naqty qaı jerde jetispeıtinin kórsete alady, jol ınfraqurylymy júktemsine baǵa beredi, ataýly kómek kórsetý úshin shaǵyn jáne orta bıznestiń belsendiligin baqylaıdy. Platforma taldaýy bıýdjetti tıimdi josparlaýǵa, qalalyq qyzmetterdiń jumysyn ońtaılandyrýǵa jáne ózgeristerge jedel jaýap berýge múmkindik beretin depersonıfısırlengen derekterdi jınaıdy.