• USD 468.56

  • EUR 497.56

  • RUB 7.3

  • CNY 67.18

08 Jeltoqsan, 12:37:00
Almaty
+35°

26 Qyrkúıek, 2023 Áleýmet

Toqaevtyń jarlyǵy: orys tilin qoldaý uıymy qurylady

Ony júzege asyrýǵa memleket qazynasynan qarjy bólinedi.

Ashyq derekkózden

Qazaqstanda orys tilin qoldaý jáne nasıhattaý jónindegi halyqaralyq uıym qurylady. Jarlyq jobasy «Ashyq NQA» portalynda jarııalanǵan. Qujatty Qazaqstan Respýblıkasy Ǵylym jáne joǵary bilim mınıstrligi ázirlegen.

«Orys tili jónindegi halyqaralyq uıym qurý týraly shartqa qol qoıý týraly» Qazaqstan Respýblıkasynyń Prezıdenti Jarlyǵy jobasy ashyq talqylaýda bir kún bolady, dep jazady kursiv.media.

Jarlyq jobasynda jańa halyqaralyq uıym qurý týraly shart jobasy bar. Bul qujatqa qol qoıý TMD elderi Memleket basshylary keńesiniń 2022 jylǵy 14 qazandaǵy sheshimin júzege asyrýdy bildiredi.

Sol kúni Qasym-Jomart Toqaev TMD janynan orys tilin qoldaý jáne nasıhattaý jónindegi uıym qurýdy usyndy. TMD elderiniń, sonyń ishinde Reseı prezıdentteri onyń bastamasyn qoldap, memlekettik organdarǵa uıymnyń qyzmetin retteıtin qujattardy ázirleýdi tapsyrdy.

Jarlyq jobasynda uıymnyń maqsaty memleketaralyq qatynas tili jáne qarym-qatynas quraly retinde orys tilin qoldaý jáne nasıhattaý máseleleri boıynsha yntymaqtastyqty nyǵaıtý ekeni jazylǵan.

Joba ratıfıkasııadan ótken soń, ony júzege asyrýǵa memleket qazynasynan qarjy bólinedi.

2023 jyl TMD elderinde 2023 jyl orys tili jyly bolyp jarııalandy.

TMD Atqarý komıtetiniń málimetinshe, bul tilde dúnıe júzinde 250 mıllıon adam sóıleıdi. Orys tili – BUU-nyń alty resmı tiliniń biri.

"Qamshy" silteıdi
Ilmek sózder: Orys tili Toqaev TMD

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir