Zelenskıı: Pýtın Qazaqstanǵa ses kórsetip otyr

Ýkraına prezıdenti Vladımır Zelenskıı BUU Bas Assambleıasynyń sessııasynda Reseıdiń ıadrolyq qarýǵa ıelik etýge quqyǵy joq ekenin aıtty. Sóz barysynda Zelenskıı KSRO ydyraǵannan keıin Ýkraına Reseıge ıadrolyq arsenalyn bergen elderdiń qatarynda ekenin eske saldy. 

"Ýkraına óziniń úshinshi úlken ıadrolyq arsenalyn berdi. Sodan keıin álem Reseı osyndaı alpaýyt kúshtiń saqshysy bolýy kerek dep sheshim qabyldady. Biraq tarıh Reseıdi qarýsyzdandyrý kerek ekenin dáleldedi. Sonaý 1990 jyldary... Reseıdi qazirdiń ózinde qarýsyzdandyrý kerek. О́ıtkeni terrorısterdiń ıadrolyq qarýdy ıelenýge quqyǵy joq", - dedi Zelenskıı.

Sondaı-aq Zelenskıı Moldava, Sırııa, Grýzııa elderin mysalǵa keltire otyryp, Reseıdiń ár 10 jyl saıyn soǵys ashatynyn aıtty. 

"Reseı Belorýs elin jutyp aldy desek te bolady. Qazaqstan men Baltyq elderine ses kórsetip otyr. "Sahna syrtyndaǵy kóleńkeli kelissózderden" habardarmyn. Zulymdyqqa senýge bolmaıdy. Prıgojınnen "Pýtınge senýge bola ma?" dep surap kórińizder. О́tinemin meniń sózime qulaq asyńyzdar. Barlyǵy ashyq túrde sheshilsin", dedi Zelenskıı