Nazarbaevtyń keńsesi 45 kún ishinde taratylady

Qarjy mınıstri Erulan Jamaýbaev Nursultan Nazarbaev keńsesiniń taratylatynyn habarlady. Mınıstrdiń aıtýynsha eks-prezıdenttiń keńsesi 45 kún ishinde taratylatyn bolady. Sondaı-aq keńsege bólinetin memlekettiń 3 mlrd teńge qarjysy ózge qajettilikterge jumsalady.

"Zań aıasynda kanselıarııanyń jumysy toqtatylady. Ondaǵy qyzmetkerlerdiń bir bóligi basqa uıymdarǵa aýysady, al taǵy bir bóligi qysqarýǵa jatady. Bir jarym aıdyń ishinde bul másele sheshiledi dep oılaımyn", - dedi Jamaýbaev.

BAQ ókilderi "Nazarbaevtyń keńsesin japsa, eks-prezıdent qaıda jumys isteıdi?" dep te surady.

"Muny onyń aınalasyndaǵy adamdardan surańyzdar. Men qaıdan bileıin. Olardan surańyz, basqa keńseleri bar shyǵar", - deıdi vıse-premer.