Foto: Almaty qalasy ákimdigi
Seıfýllın-Rysqulov dańǵylynyń qıylysynan Almaty-1 temirjol vokzalyna deıingi ortasha jóndeý jumystary bastaldy.
Jospar boıynsha 5,6 shaqyrym jol jóndelip, trotýarlar ishinara qamtylady. Ázirge jóndeý kólik qozǵalysyn shekteýsiz júrgizilip jatyr. Buǵan deıin bul kóshedegi jóndeý jumystary 13 jyl buryn júrgizilgen.
Almatynyń klımattyq jaǵdaıyn eskersek, Seıfýllın dańǵylynyń jóndeýaralyq qyzmet etý merzimi 5 jyl. Jóndeýdiń qajettiligin saraptama rastady. Zertteý nátıjesinde jol boıynda shuńqyr, oıylǵan, jarylǵan, otyrǵan jerler anyqtaldy.
Tehnıkalyq qorytyndy negizinde dańǵylǵa ortasha jóndeý júrgizýdi josparǵa qosý týraly sheshim qabyldandy.
Qalalyq qalalyq mobıldilik basqarmasynyń habarlaýynsha, kólik qozǵalysynyń shektelýi týraly aqparat BAQ arqyly aldyn ala jarııalanady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir