Foto: Ashyq derekkóz
Almatyda polıseıler qaltaly azamattarǵa eskort qyzmetin usynýmen aınalysqan 25 jastaǵy boıjetkendi ustady. Ol aqshaǵa seksýaldy qyzmet kórsetýge daıyn kelbetti qyzdardy izdep, baı klıentter tartýmen aınalysqan.
Kúdikti qyzdarǵa "demeýshiler" tabýǵa, álemdi aralatyp, ómirin jeńildetýge ýáde bergen. Al topqa kirý úshin 300 dollar tóleý kerek bolǵan. Kórsetilgen jeńgetaılyq qyzmeti úshin kúdikti klıentten túsken aqshanyń 40 paıyzyn ózine alyp otyrǵan. Aqshanyń qalǵan bóligi qyzmet kórsetken qyz alǵan.
Kezdesý quny 1 saǵat úshin 500 myń teńgeden bastap, ártúrli baǵamen ólshengen. Qarjy monıtorıngi agenttigi tergeý nátıjesinde kúdiktiniń 2022 jylǵy qarajat aınalymy 209 mıllıon teńgeden asqanyn anyqtady.
"Mundaı bıznesti uıymdastyrýshy óz qyzmetin jasyrýǵa tyrysyp, Instagram jelisinde ózin 100 myńnan astam oqyrmany bar tabysty model retinde kórsetken. Resmı túrde esh jerde jumys istemegen. Tintý barysynda kúdiktiden kásibi týraly jazbalary bar kúndelik, jyljymaıtyn múlik satyp alý týraly qujattar, aq tústi untaq qaldyqtary bar qalta aınasy, esirtki zattaryn tutyný úshin oralǵan aqsha, Lexus ES 250 jáne Toyota Camry 70 markaly avtomashınalar, salmaǵy 1,72 gramm "mefedron" tabylyp, tárkilendi", – delingen habarlamada.
Prokýratýra kelisimi boıynsha Qylmystyq kodekstiń 309 baby "Jezókshelikpen aınalysýǵa prıtondar uıymdastyrý jáne jeńgetaılyq" jáne 297 baby "Esirtki quraldaryn, psıhotroptyq zattardy, olardyń analogtaryn ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý" boıynsha sotqa deıingi is qozǵaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir