Astanada jastarǵa arnap bos jumys oryndary jármeńkesi uıymdastyryldy

Astanada «Jastar» saraıynda jastarǵa arnalǵan bos jumys oryndary jármeńkesi uıymdastyryldy. Dástúr boıynsha jármeńkege túrli salalardan – bankterden, munaı-gaz salasynan, memlekettik áleýmettik qyzmetterden jáne basqa da salalar boıynsha jumys berýshiler arnaıy shaqyryldy, dep habarlaıdy Astana ákimdiginiń resmı saıty.

Búgingi tańda jumys berýshiler bos oryndar jármeńkesin ótkizedi, sondyqtan nıet bildirýshiler tańdaý jasaı alady. Onda tańdalǵan baǵyt boıynsha qosymsha keńes alýǵa bolady. Máselen, 24 mamyrda «Jastar» saraıynda 16 kompanııa qatysyp, jastardy jumysqa ornalastyrý aıasynda 273 jumys ornyn usynýǵa daıyn. Jumys berýshiler arasynda bankter, úkimettik uıymdar, agrarlyq kompanııalar jáne t.b. bar. Uıymdastyrýshylar jumyspen qamtýdyń dál osy formatynyń tıimdiligi týraly aıtyp berdi.

Astana qalasy ákimdiginiń halyqty jumyspen qamtý ortalyǵynyń dırektory Baqytbek Qabjanov atap ótkendeı, bos oryndar jármeńkesine jastar óte belsendi kelip, jumys berýshilerdiń usynystary men startaptardy qoldaý baǵdarlamalaryna qyzyǵýshylyq tanytýda.

«О́skeleń urpaq ókilderi búginde áleýmettik jeli arqyly tildesip, aqparatpen óte jyldam almasýda. Barlyǵy enbek.kz portalyndaǵy bos jumys oryndaryn baıqaǵan soń onlaın-tirkeýden ótip, jaýap alady. Sondaı-aq biz osyndaı oflaın jármeńkelerdi jylyna 30-40 ret ártúrli oryndarda ótkizemiz. Olarǵa tek jumyspen qamtý ortalyǵy ǵana emes, jastar saıasaty basqarmasy, ákimdik jáne basqa da uıymdar qatysady. Bizdiń jastar belsendi, kezdesýde qoıylatye suraqtary da az emes. Biz osyndaı jármeńkelerde qoıylǵan saýaldarǵa jaýap berip, túsiniksiz tustaryn keńinen túsindirip beremiz», – dedi qalalyq jumyspen qamtý ortalyǵynyń dırektory Baqytbek Qabjanov

Uıymdastyrýshylardyń málimetinshe, jyl basynan beri halyqty jumyspen qamtý ortalyǵyna 8 210 jas azamat júgingen. Kásipkerlikti damytý jónindegi 2021-2025 jyldarǵa arnalǵan ulttyq joba sheńberinde jastardy jumysqa ornalastyrý jónindegi sharalarmen 5500 adam qamtyldy.

«Qazposhta» AQ óz kezeginle Jumyspen qamtý ortalyǵymen belsendi baılanys ornatyp, jas mamandar úshin bos jumys oryndary boıynsha keń tańdaýyn usynady. Usynylǵan nusqalardyń qataryna kýrerler, tasymaldaýshylar, júrgizýshiler, poshtashylar jáne basqa da jumys oryndary kiredi. Tájirıbeden ótkennen keıin árkimniń shtatta qalýǵa, bizben birge kásibı túrde shyńdalýyn jalǵastyrýǵa múmkindigi bar», – dedi «Qazposhta» AQ HR sektorynyń jetekshisi Aına Alıakbarova.

Is-shara aıasynda jastardy jumyspen qamtý jáne shaǵyn nesıelendirý sharalarymen tanystyrý maqsatynda Jumyspen qamtý jáne áleýmettik qorǵaý basqarmasy, Astana qalasynyń jumyspen qamtý ortalyǵy jáne «Agrarlyq nesıe korporasııasy» AQ fılıalynyń ókilderimen kezdesý ótkizildi. 

Aıta ketý kerek, Qazaqstan Prezıdentiniń «Ádiletti Qazaqstan: bárimiz jáne árqaısymyz úshin. Qazir jáne árdaıym» baǵdarlamasyn júzege asyrý aıasynda jas kásipkerler konkýrstyq negizde jeńildetilgen kredıt ala alady. 2023 jyly «Agrarlyq kredıttik korporasııa» AQ jastarǵa kredıt berý agenti bolyp belgilendi, al negizgi úılestirýshiler basqarý jáne Jumyspen qamtý ortalyǵy atynan jergilikti atqarýshy organdar boldy.

«Baǵdarlama 3 jyl merzimge eseptelgen, onyń barysynda kredıtter beriletin bolady. Respýblıkaǵa bólingen jalpy bıýdjet 28 mlrd teńgeni quraıdy, onyń ishinde Astanaǵa 1,5 mlrd teńgeden astamy qarastyrylǵan. Bir qaryz alýshy úshin ortasha chek – 1 mln teńge. Jalpy elorda boıynsha 600 jobany júzege asyrýdy josparlap otyrmyz», – dep atap ótti «Agrarlyq nesıe korporasııasy» AQ fılıalynyń dırektory Áset Kóshkinbaev.

Onyń aıtýynsha, búgingi tańda 500 mln teńgege ótinim qabyldanyp, 100-ge jýyq qaryz alýshy ótinish bildirgen, onyń 40%-y qaralǵan. Maqsatty paıdalanýdy rastaý merzimi – 90 kún. Eger qaryz alýshy osy merzimde qandaı da bir fors-majorlyq jaǵdaılarǵa baılanysty jınaqtalmasa, ol nysanaly paıdalaný boıynsha keıinge qaldyrýdy usyný úshin korporasııaǵa júginýge quqyly. Eger qaryz alýshy kredıtti nysanaly maqsaty boıynsha paıdalanbasa ne rastaý merzimderin keshiktirse, aıyppul kózdeledi.

Kezdesýde stýdentterge jastar úshin júzege asyrylyp jatqan jobalar týraly egjeı-tegjeıli túsindirildi. Sondaı-aq, elordalyq jastarmen ashyq dıalog barysynda kelýshilerge jastarǵa arnalǵan shaǵyn nesıeler, Jumyspen qamtýǵa járdemdesý sharalary, onyń ishinde «Jasyl el» baǵdarlamasy boıynsha aqparat berildi.