Almatyda "Halyqqa qatysý bıýdjeti" jobasy aıasynda úzdik usynystarǵa daýys berý aıaqtaldy

Almatyda "Halyqqa qatysý bıýdjeti" jobasy aıasynda úzdik usynystarǵa daýys berý aıaqtaldy, dep habarlaıdy Qamshy.kz aqparat agenttigi. 

Almaty qalasynyń ákimdigi baspasóz qyzmeti habarlaǵandaı, daýys berý qorytyndysy boıynsha aǵymdaǵy jyly iske asyrýǵa 195 joba jiberildi:

Áýezov aýdany-18;
Alataý – 17;
Almaly – 31;
Bostandyq – 23;
Jetisý – 18;
Medeý – 14;
Naýryzbaı – 16;
Túrksib – 58.

Daýys berý barysynda barlyǵy 81 myńnan astam daýys berildi (81 707), bul 2022 jylmen salystyrǵanda 22% - ǵa ósti (63 547). Eń kóp qala turǵyndary daýys bergen eń jaqsy bastamalar tizimine kelesi jobalar kirdi:

– Nurkent, 63 shaǵynaýdanyndaǵy balalar alańyn jóndeý, Alataý aýdany (shahmat jáne tennıs ústelderi, besedka, karýsel) ;

–  Jambyl kóshesi, 47/160 jáne Tólebaev kóshesi, 156, Medeý aýdany úıleriniń aýla aýmaǵyn abattandyrý (besedka, átkenshek, sport alańy, oryndyqtar, tennıs ústeli);

–  Shevchenko kóshesi, 129, Almaly aýdany boıynsha "aýla-BAQ" jobasyn iske asyrý (butalar-qorshaý, gúlzarlar, kógaldar, oryndyqtar, trenajerler, oıyn aımaǵy); * Áýezov aýdany, 9 shaǵynaýdanynda ıtterdi serýendetýge arnalǵan alań, 20 (serýendeýge arnalǵan qurylymdyq elementter, snarıadtar) ;

–  Úlken Almaty ózeni boıyndaǵy Dýlatı kóshesindegi jaıaý júrginshiler aımaǵyn abattandyrý, Bostandyq aýdany;

–  Jetisý aýdany, Kryjıskıı kóshesi, 7 jáne Stanıslavskıı kóshesi, 164 boıynsha balalar jáne sport alańdaryn salý;

–  Abaı dańǵyly men Áshimov kóshesi, Naýryzbaı aýdany boıynsha MAF jáne tik kógaldandyrý nysandaryn ornatý;

–  Túrksib aýdany, Gete kóshesi, 17, №17 JBBM avtoturaq salý.

Daýys berý nátıjeleri jáne árbir joba boıynsha jınalǵan daýystar sany bar hattamalar portalda jarııalandy budget.open-almaty.kz "jobalar boıynsha materıaldar" bóliminde (ashylmaly mázirden 2023 jyldy tańdańyz). Árbir aýdan bólinisinde eń kóp daýys jınaǵan jobalar aǵymdaǵy jyly árbir aýdan úshin lımıtti (875 mln teńge) eskere otyryp, daýystardyń kemý tártibimen (jobaǵa keminde 50 daýys) iske asyrylatyn bolady. Daýystar teń bolǵan kezde jobalarǵa daýys berý qorytyndylary týraly hattamada birdeı pozısııa beriledi.

Esterińizge sala keteıik, "Halyqqa qatysý bıýdjeti" jobasy aıasynda qalalyq ortany damytý boıynsha ótinimderdi qabyldaý 2023 jyldyń naýryz aıynda bastaldy, qala turǵyndarynan 897 túrli usynys tústi. Bastamalardyń basym bóligi Áýezov (162), Naýryzbaı (126) jáne Jetisý (120) aýdandarynyń turǵyndarynan kelip tústi.

"Halyq qatysýy bıýdjeti" jobasy iske qosylǵan sátten bastap bes jyl ishinde alǵash ret 2023 jyldyń ekinshi jartyjyldyǵynda Almaty turǵyndarynan ótinimderdi qabyldaýdyń ekinshi sıkli bastalatynyn qosymsha habarlaımyz. Ekinshi sıkl sheńberinde eń kóp daýys jınaıtyn jobalar kelesi jyly iske asyrylatyn bolady", - dep tolyqtyrdy vedomstvo.