Tuńǵysh prezıdentke til tıgizgeni úshin jazaǵa tartatyn norma joıylady

Qazaqstanda Nursultan Nazarbaevqa til tıgizgeni úshin jazaǵa tartatyn qylmystyq jaýapkershilik joıylady. Depýtattar atalǵan baptardy joıatyn zańnamany sáıkestendirip jatyr.

Budan bylaı Qazaqstanda tuńǵysh prezıdente til tıgizý qylmys bolyp sanalmaýy múmkin. Qylmystyq kodeksten oǵan til tıgizgeni úshin jaýapqa tartatyn 373 jáne 374 baptar alynyp tastalady.

Májilis depýtaty Snejanna Imashevanyń málimdeýinshe, bul túzetýler aktıvterdi óteý týraly zań jobasynyń kiredi.

"Mundaı túzetýler qarastyrylǵan. Aktıvterdi qaıtarý týraly zań jobasy aıasyndaǵy ilespe qujatta jaýapkershilikti alyp tastaıtyn norma bar. Bul qadamdar Konstıtýsııada qabyldanǵan túzetý aıasynda eskerilgen. Konstıtýsııada Elbasy jáne onyń ókilettikteri týraly kórsetilmegen, sondyqtan bul baptar Qylmystyq kodekste qajet emes. О́ıtkeni, Elbasy degen mártebe qarastyrylmaǵan jáne qylmystyq jaýapkershilik endi bolmaıdy ári qoldanylmaıdy", – dedi Imasheva.

Parlament shetelden aktıvterdi qaıtarýǵa qatysty zań jobalarynyń barlyq paketin qabyldaǵan kezde bul baptar alynyp tastalady.