Foto: Ashyq derekkóz
Rejep Taıyp Erdoǵannyń qarsylasy Kemal Kylychdaroglý Túrkııada ótken prezıdent saılaýyn "el tarıhyndaǵy eń ádiletsiz saılaý" dep atady.
Ol Ankarada sóılegen sózinde daýystyń ádiletsiz sanalǵanyn aıtyp, avtorıtarly júıeni aýystyrý úshin ári qaraı kúrese beretinin málimdedi.
"Maǵan daýys bergen 25 mıllıonnan astam azamattyń kúshti bolyp qala bergenin qalaımyn. Biz osyndamyz, bizdiń marsh jalǵasady. Biz demokratııa úshin kúresimizdi jalǵastyra beremiz. Men bul kúreske sizderdiń de qatysýlaryńyzdy suraımyz. Qazir bir adamnyń bizdi demokratııadan aıyrǵanyn kórip otyrmyz", – dedi saıasatker.
Ol Túrkııada demokratııa is júzinde ústemdikke ıe bolmaıynsha kúrese beretinin qosyp ótti.
Eske sala keteıik, 28 mamyrda Túrkııanyń joǵarǵy saılaý komıssııasynyń basshysy Ahmet Iener prezıdent saılaýynyń ekinshi kezeńinde Redjep Taıyp Erdoǵannyń jeńiske jetkenin habarlady. Ol 52 paıyz daýys jınaǵan. Al Kylychdaroglýǵa saılaýshylardyń 47,86 paıyzy daýys bergen bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir